NǓKANBYƆ́ 12
Nukúnɖíɖó tɛ́ ka ɖe nú mɛkúkú lɛ́?
“Mi ma nú énɛ́ kpácá mi ó, ɖó hwe ɔ nu ɖo nǎ su wɛ, bɔ mɛ e ɖo yɔdo mɛ lɛ́ é bǐ ná se gbe tɔn, bo ná tɔ́n.”
“È ná fɔ́n nǔjlɔ́jlɔ́watɔ́ lɛ́ kpó nǔagɔwatɔ́ lɛ́ kpó sín kú.”
“Un mɔ mɛkúkú lɛ́, mɛxó kpó yɔkpɔ́vú kpó, bɔ yě ɖo te ɖo axɔ́súzinkpo ɔ nukɔn, bɔ è hun wěma mlámlá lɛ́. Amɔ̌, è hun wěma mlámlá ɖěvo; wěma mlámlá gbɛ tɔn ɔ wɛ. È zɔn dó nǔ e è wlán dó wěma mlámlá lɛ́ mɛ lɛ́ é wú dó ɖɔ hwɛ xá mɛkúkú lɛ́ sɔgbe xá nǔwiwa yětɔn lɛ́. Xu jó mɛkúkú e ɖo xu mɛ lɛ́ é, bɔ kú kpó Yɔdo kpó jó mɛkúkú e ɖo yě mɛ lɛ́ é, lobɔ è ɖɔ hwɛ xá yě mɛ ɖokpó ɖokpó sɔgbe xá nǔwiwa yětɔn lɛ́.”