NǓKANBYƆ́ 17
Nɛ̌ Biblu ka sixú d’alɔ xwédo towe gbɔn?
ASÚ LƐ́/TƆ́ LƐ́
“Ðo ali ɖokpó ɔ nu ɔ, asú lɛ́ ɖó ná yí wǎn nú asi yětɔn, agbaza yěɖésúnɔ tɔn ɖɔhun. Súnnu e yí wǎn nú asi tɔn ɔ yí wǎn nú éɖésúnɔ. Ðó mɛ ɖěbǔ gbɛ́ wǎn nú agbaza éɖésúnɔ tɔn kpɔ́n ǎ, loɔ, é nɔ ná nǔɖuɖu i bo nɔ lébe n’i . . . Asú ɖokpó ɖokpó ɖó ná yí wǎn nú asi tɔn éɖésúnɔ ɖɔhun.”
“Tɔ́ lɛ́ mi, mi ma nɔ dó xomɛsin nú vǐ mitɔn lɛ́ ó. É nyɔ́ wa ɔ, mi nɔ kplɔ́n yě sɔgbe xá nǔgbódodó Jexóva tɔn lɛ́ kpó wěɖexámɛ tɔn lɛ́ kpó.”
ASI LƐ́
“Asi ɖó ná ɖó sísí ɖaxó nú asú tɔn.”
“Asi lɛ́ mi, mi ní nɔ hwíhwɛ́ miɖée dó asú mitɔn lɛ́ glɔ́, lěe é jɛxá gbɔn ɖo Aklúnɔ mɛ é.”
VǏ LƐ́
“Vǐ lɛ́ mi, mi ní nɔ se tónú nú mɛjitɔ́ mitɔn lɛ́ lěe Aklúnɔ jló gbɔn é, ɖó nǔ énɛ́ sɔgbe. Sɛ́n nukɔntɔn e è dó, bɔ akpá ɖé gɔ́ ná é wɛ nyí: ‘Wlǐ yɛ̌yi nú tɔ́ towe kpó nɔ towe kpó. Énɛ́ ɔ, nǔ bǐ ná yi ganjí nú we, bɔ a ná dɔ́ ji ɖo ayǐkúngban jí.’”
“Vǐ lɛ́ mi, mi ní nɔ se tónú nú mɛjitɔ́ mitɔn lɛ́ ɖo nǔ lɛ́ bǐ mɛ, ɖó nǔ énɛ́ nɔ nyɔ́ Aklúnɔ nukúnmɛ tawun.”