Xosɛxweta

Xota elɔ ɖɔ xó dó lee xwè 2017 tɔn sín xota mǐtɔn ɔ dó wusyɛn lanmɛ nú mǐ bɔ mǐ na ba alɔdo Jehovah tɔn ɖò mɛtɛnkpɔn lɛ mɛ gbɔn é jí. Mǐ na zán gbejininɔ sín kpɔ́ndéwú hwexónu tɔn lɛ dó gbéjé lee mǐ sixu ɖeji dó Jehovah wu ɖɔ é na nɔ gudo nú mǐ hwenu e mǐ ɖò nǔ e wu mǐ kpé é bǐ wà wɛ bá dó ɖeɖɛ tagba lɛ lobo d’alɔ mɛ ɖevo lɛ é gbɔn é kpɔ́n.

Ðò xota elɔ mɛ ɔ, mǐ na kplɔ́n lee mǐ na zán mɛɖesúsínínɔ mǐtɔn dó hɛn xomɛ Mawu tɔn hun bo dó xlɛ́ ɖɔ nùnina tɔn enɛ sù nukún mǐtɔn mɛ gbɔn é. Mǐ na lɛ́vɔ mɔ lee mǐ sixu ɖó sísí nú ali e nu mɛ ɖevo lɛ nɔ zán mɛɖesúsínínɔ yetɔn ɖè é gbɔn é.

Xota elɔ lɛ na d’alɔ mǐ bɔ mǐ na mɔ nukúnnú jɛ jijɔ ɖagbeɖagbe e jlɛjininɔ nyí é mɛ d’eji. Xota nukɔntɔn ɔ tinmɛ nǔ e jlɛjininɔ nyí é kpo nǔ e é ma nyí ǎ é kpo. Xota wegɔ ɔ kplɔ́n lee mǐ sixu kpó ɖò jlɛ̌ jí hwenu e mǐ tlɛ ɖò mɛtɛnkpɔn mɛ é gbɔn é mǐ.

Ðó jijimɛ ɖě nɔ ɖyɔ ɖě wutu ɔ, dɔnkpɛvu lɛ nɔ wà azɔ̌ e mɛxomɔ lɛ nɔ wà é. Xota elɔ ɖɔ xó dó lee dɔnkpɛvu kpo mɛxomɔ kpo bǐ na bló bɔ mɛ huzuhuzu mɔhun lɛ na yì ta gbɔn é.