Xosɛxweta

Akpá nabi a ka ko dó nú Jehovah? Ðokpo, wè alǒ hú mɔ̌? A ka lin ɖɔ emi ɖò nǔ e wu emi kpé é bǐ wà wɛ bá zán gbɛ̀ sɔgbe xá ye à? Mɛɖée zízé jó nú Jehovah sín akpá towe alǒ alɔwliwli sín akpá towe ka ló? Xota elɔ flín mǐ kpɔ́ndéwú ɖagbe e Jɛfutée kpo Ana kpo sɔ́ ɖ’ayǐ nú mǐ é, hwenu e mǐ na ɖò gǎn dó wɛ bá ɖè akpá e mǐ dó nú Jehovah lɛ é kpo gbejininɔ kpo é.

Hwɛhwɛ ɔ, mǐ nɔ lin nǔ kpɔ́n dó nǔ e Jehovah na na mǐ ɖò Palaɖisi mɛ lɛ é jí, amɔ̌, ɖò xota elɔ mɛ ɔ, mǐ na sɔ́ ayi dó nǔ e é na ɖè síìn lɛ é jí. Etɛ lɛ Jehovah ka na ɖè síìn, bo na mɔ tɛn dó bló gbɛ̀ e mɛ fífá kpo awǎjijɛ kpo na nɔ é ɖé? Tamɛ linlin dó xósin ɔ jí na na hlɔnhlɔn nùɖiɖi mǐtɔn kpo kán e mǐ kanɖeji bá dɛ é kpo.

Hwenu e mǐ mɔ ɖɔ è wà nǔ agɔ xá mǐ, alǒ mɔ bɔ é jɛ dó mɛ ɖevo wu é ɔ, nùɖiɖi mǐtɔn, mɛɖesɔhwe mǐtɔn kpo gbejininɔ mǐtɔn kpo sixu gbɔn tɛnkpɔn mɛ. Xota elɔ lɛ gbéjé tan Biblu tɔn e na d’alɔ mǐ, bɔ mǐ na ɖó linlin Jehovah tɔn dó nǔjlɔjlɔwiwa wu é atɔn kpɔ́n.

Jehovah ɖó hudo nǔ ɖebǔ tɔn ǎ; amɔ̌, xomɛ nɔ hun i b’ɛ nɔ ɖó ayi jlǒ ɖaxó e mǐ ɖó bá nɔ gudo nú Nǔbǐwukpétɔ́ e é nyí é wu. Hwɛɖɔtɔ́ lɛ wemata 4 kpo 5 kpo xlɛ́ lee é nɔ sù nukún Jehovah tɔn mɛ gbɔn, hwenu e mǐ sɔ́ jlǒ dó xwedó alixlɛ́mɛ tɔn e zawě é é.