A ka Ðò Nǔ Sɔ́ nú Flǐn ɔ Wɛ À?
Azǎn 13 Nisáan xwè 33 H.M. tɔn gbè wɛ. Jezu tuùn ɖɔ gbadanu ɖokpo jɛn kpò bɔ emi na zán kpo xɔ́ntɔn vívɛ́ emitɔn lɛ kpo cobɔ è na hu emi. É na ɖu Dindinwayixwe tɔn gudo tɔn ɔ xá ye, bɔ enɛ gudo ɔ, é na sɔ́ nǔwiwa yɔyɔ̌ ɖé ɖ’ayǐ, é wɛ nyí Nùɖuɖu Aklunɔ Tɔn. É ɖò dandan ɖɔ è ni sɔnǔ nú nǔwiwa taji mɔhun. Enɛ wu ɔ, é ɖɔ nú Piyɛ́ɛ kpo Jaan kpo ɖɔ ye ni yì tò nǔ lɛ. (Luk. 22:7-13) Sín hwenɛnu kaka jɛ dìn, ɖò xwewu xwewu ɔ, Klisanwun e jló na blǒ nǔwiwa Flǐn tɔn ɔ lɛ é nɔ sɔnǔ tɔn ɖ’ayǐ. (Luk. 22:19) Nǔ taji tɛ lɛ mǐ ka ɖó na bló dó sɔnǔ nú Flǐn e ɖò azǎn 3gɔ́ Ayidosun ɔ tɔn gbè é?
Lee Wɛnjlatɔ́ lɛ Na Sɔnǔ Gbɔn É:
Blǒ tuto bo na ɖ’alɔ ɖò mɛylɔwema Flǐn tɔn ɔ mímá mɛ mlɛ́mlɛ́.
Slɛ́ mɛ e a nɔ kplɔ́n Biblu xá lɛ é, hɛnnumɔ lɛ, azɔ̌mɛvigbɛ́ lɛ, azɔ̌gbɛ́ lɛ, kpo mɛtuùnmɛ ɖevo lɛ kpo dó wema jí, bo ylɔ ye.
Xwedó Biblu xixa Flǐn tɔn sín tuto bo xà bo lin tamɛ kpɔ́n d’eji.
Yawu wá Flǐn ɔ bá dó doo nú jonɔ lɛ.