Nǔ Sinsɛnzɔ́ Towe Ni Bí Alɔ nú We D’eji: Nɔ Fɔ Xójlawema lɛ Yì Jó nú Mɛ E ko Nɔ Yí lɛ É

Nǔ E Wu É Ðò Taji É: Mɛ ɖěɖee nɔ yí wǎn nú xójlawema mǐtɔn lɛ xixa é gègě nɔ jló na kplɔ́n Biblu xá mǐ ǎ. Vlafo sinsɛn e mɛ ye ɖè é ko nɔ nyɔ́ nú ye, alǒ ye nɔ mɔ ɖɔ emi kún ɖó hwenu bo na kplɔ́n nǔ ó wutu wɛ. É ɖò mɔ̌ có, ɖó ye nɔ xà xójlawema mǐtɔn lɛ hwɛhwɛ wutu ɔ, ye sixu wá ba na kplɔ́n Xó Mawu Tɔn. (1 Pi. 2:2, 3) Xota tawun ɖé sixu jɛ nǔ jí nú ye, alǒ ninɔmɛ yetɔn sixu ɖyɔ. Enyi mǐ nɔ yì ba ye kpɔ́n klewun hwɛhwɛ ɔ, ye sixu vo ɖò akpá mǐtɔn, b’ɛ na lɛ́ d’alɔ mǐ bɔ mǐ na tuùn nǔ e nɔ dɔn ye lɛ é kpo nǔ e nɔ ɖu ayi mɛ nú ye lɛ é kpo. Vlafo Biblu kpinkplɔn sixu bɛ́.