Nukɔnyiyi Sinsɛnzɔ́ ɔ Tɔn Lɛ

Ðò Côte d’Ivoire ɔ, Jehovah dó nú xwè sinsɛnzɔ́ tɔn 2014 tɔn ɔ tawun, lobɔ sun ɖokpo tíìn ɖò finɛ bɔ wɛnjlatɔ́ 10 660 kpo gbexosin-alijitɔ́ hwebǐnu tɔn 1 186 kpo na ganmɛ. Enyi è sɔ́ wɛnjlatɔ́ nabi e na ganmɛ sun e ɖɔ wɛ è ɖè dìn é mɛ é sɔ́ jlɛ́ dó nabi e na ɖò xwè e wá yì é sín sun ɖokpo enɛ mɛ é tɔn wu ɔ, nɔví lɛ ɖ’ayi wu ɖɔ wɛnjlatɔ́ 16 ɖò kanweko jí wɛ jɛji. Ye lɛ́ ɖó agun yɔyɔ̌ 39 ayǐ. Ee ɖò taji hú bǐ é wɛ nyí ɖɔ, mɛ 70 244 wɛ wá nǔwiwa Flǐn tɔn sín tɛnmɛ. Enɛ xlɛ́ céɖécéɖé ɖɔ nukɔnyiyi na lɛ́ tíìn hú mɔ̌ ɖò tò ɔ mɛ ɖò sɔgudo. É ɖò gaàn ɖɔ, è ɖò akɔta lɛ sín dɔkun gègě bɛ́ wá xwé Jehovah tɔn gbè wɛ.—Ðɛhan 67:4; Ajée 2:6, 7.