Ðɔnúesè Lɛ

◼ Wema ɖěɖee è na xwlé mɛ lɛ é: Ayidosun: Etɛ Biblu ka Kplɔ́n Mɛ Tawun?, alǒ tlati elɔ lɛ ɖebǔ: Etɛ A ka Nɔ Lin Dó Biblu Wu?, Etɛ A ka Nɔ Lin Dó Sɔgudo Wu?, Etɛ ka Na Zɔ́n Bɔ Xwédo ɖé Na Nɔ Awǎjijɛ Mɛ?, Mɛ̌ Sín Acɛ Glɔ Gbɛ̀ ɔ ka Ðè?, Wuvɛ̌ Mimɔ ka Na Wá Nɔte À?, alǒ Mɛkúkú lɛ ka Na Fɔ́n Dóó À? Liyasun kpo avivɔsun kpo: Wɛnɖagbe ɖé Sín Mawu Gɔ́n! alǒ alɔnuwema elɔ lɛ e ɖó wexwɛ 32 é ɖebǔ: Ðǒtó Mawu, Ðǒtó Mawu Bo Nɔ Gbɛ̀ Kaka Sɔyi, Ali E Nɔ Yì Gbɛ̀ Mavɔmavɔ É—A Ko Mɔ Ɛ À?, La Bible—Quel est son message? Enyi agun ɖé lɛ ɖó alɔnuwema xóxó lɛ ɖò nǔ mɛ ɔ, ye ɖó na dó gǎn bo fɔ ye xwlé mɛ. Zǒsun: La Tour de Garde kpo Réveillez-vous! kpo.

◼ Hwenu e a na ɖò ganmɛ towe na wɛ ɖò sun fifo é ɔ, wlan tlati kpo mɛylɔwema kpo nabi e a má lɛ é alǒ nabi e a sɔ́ ɖ’ayǐ nú mɛ e ma ɖò xwégbe ǎ lɛ é bǐ dó “Brochures & tracts” (Alɔnuwema lɛ kpo Tlati lɛ Kpo) glɔ ɖò ganmɛ wema ɔ jí. Enyi mɛɖé ɖè jlǒ xlɛ́ bo yí wema ɔ, é na bo tlɛ nyí tlati ɔ, è ɖó na dó gǎn bo lɛkɔ yì kpɔ́n ɛ.

◼ Bɛ́sín aklunɔzán gbla azǎn 19 Kɔnyásun 2015 tɔn mɛ ɔ, wema Ði Nǔ Ye Ðɔhun wɛ mǐ na jɛ kpinkplɔn jí ɖò Biblu Kplɔnkplɔn Agun Tɔn hwenu. Agun e ɖó hudo wema ɔ tɔn gɔ́ na lɛ é ɖó na zɔ́n ɖò nǔzinzɔn yetɔn e ja é hwenu. É na nyɔ́ ɖɔ mɛ ɖěɖee jló na zán wema ɔ ɖò nǔ ɔdinatɛ́ɛ ɖɔhun yetɔn lɛ jí é ni yí ɖò jw.org jí hú ɖɔ ye ni zɔ́n ee è ko zín é.