Nùxwlémɛ Lɛ

Atọ̀họ̀-Nuhihọ́ lọ Tọn Juillet-Septembre

“Mǐ ɖò xó ɖɔ xá nɔzo mǐtɔn lɛ wɛ dó lee è sixu ɖeɖɛ tagba e gbakpé é ɖé gbɔn é jí. Ðò égbé ɔ, nǔ lɛ fɔ́n bo ɖò axi vɛ́ wɛ, bɔ ɖuɖu kpo nunu kpo nɔ vɛwǔ nú mɛ gègě. Nɛ̌ mi ka lin ɖɔ mǐ sixu ɖeɖɛ tagba enɛ lɛ gbɔn? [Jǒ é dó nú é na xósin.] Mi ɖ’ayi xó Biblu tɔn elɔ e na jiɖe mɛ é wu. [Xà Eblée lɛ 13:5.] Biblu na mǐ nukúnɖiɖo ɖɔ Mawu na sú kún dó nú hɛ̌n ɖò malin-malin mɛ. Xójlawema elɔ tinmɛ lee huzuhuzu enɛ na tíìn gbɔn é.” Xlɛ́ xota e ɖò wexwɛ 4gɔ́ ɔ jí é xwétɔ́ ɔ.

Réveillez-vous! Août

“Mǐ ɖò xota ɖé xlɛ́ nɔzɔ mǐtɔn lɛ wɛ bɔ é ɖɔ xó dó nǔ wɔbuwɔbu e ɖò nǔ tíwúntíwún e kplé bo bló wǔjɔnú mǐtɔn lɛ é mɛ é jí. [Xlɛ́ akpà Réveillez-vous! ɔ tɔn xwétɔ́ ɔ.] Mɛ gègě ɖi nǔ ɖɔ nǔ enɛ lɛ jɔ nú yeɖée wɛ, bɔ mɛ ɖevo lɛ lin ɖɔ mɛɖé wɛ dá nǔ e ɖò gbɛ̀ ɔ mɛ lɛ é. Etɛ midɛɛ lɛ ka lin d’ewu? [Jǒ é dó nú é na xósin.] Xójlawema elɔ tɛɖɛ̌ dobanunǔ ɖěɖee xlɛ́ ɖɔ nǔ tíwúntíwún e kplé bo bló wǔjɔnú mǐtɔn lɛ é gɛ́dɛ́ tawun é jí, bɔ enɛ ko sísɛ́ nùnywɛ xwitixwitizɔ́watɔ́ ɖé lɛ bɔ ye kanbyɔ yeɖée ɖɔ Gbɛɖótɔ́ ɖé ka tíìn à jí.”