Wemaxɔmɛ Azɔ̌ Yɛhwexɔsuɖuto ɔ Tɔn Sín Vɔ̌gbɔnji
È na gbéjé nùkanbyɔ elɔ lɛ kpɔ́n ɖò Wemaxɔmɛ Azɔ̌ Yɛhwexɔsuɖuto ɔ Tɔn e è na bló ɖò aklunɔzán gbla azǎn 31 Avivɔsun 2015 tɔn é hwenu.
1. Nugbǒ e nɔ hɛn nùɖiɖi mɛtɔn lidǒ ɖò Jehovah Mawu mɛ é tɛ lɛ mǐ ka mɔ ɖò ɖɛ e Salomɔ́ɔ xò é mɛ? Lè tɛ tamɛ linlin dó nugbǒ enɛ lɛ jí ka na hɛn wá nú mǐ? (1 Axɔ. 8:22-24, 28) [6 Liyasun, w05-EG 1/7 wex. 30 akpá. 3]
2. Davidi zán gbɛ̀ ganji ‘kpodo ayixa tɔn bǐ kpo.’ Nɛ̌ kpɔ́ndéwú tɔn enɛ ka sixu dó wusyɛn lanmɛ nú mǐ bɔ mǐ lɔ na wà mɔ̌ gbɔn? (1 Axɔ. 9:4) [13 Liyasun, w12-EG 15/11 wex. 7 akpá. 18-19]
3. Nǔ taji tɛ tan e ɖɔ xó dó sɛ́ e Jehovah sɛ́ Elíi dó asúkúsi Salɛputanu ɔ gɔ́n é ka sixu kplɔ́n mǐ? (1 Axɔ. 17:8-14) [27 Liyasun, w14-EG 15/2 wex. 14]
4. Nɛ̌ tamɛ linlin dó tan e ɖò 1 Axɔsu lɛ 17:10-16 mɛ é jí ka sixu zɔ́n bɔ kú e mǐ kudeji bo na ɖeji dó Jehovah wu bǐ mlɛ́mlɛ́ é na lidǒ gbɔn? [27 Liyasun, w14-EG 15/2 wex. 13-15]
5. Hwenu e agbɔ̌n kpé Elíi b’ɛ flú bǐ é ɔ, etɛ lee é ɖu ɖ’eji gbɔn é ka sixu kplɔ́n mǐ? (1 Axɔ. 19:4) [3 Avivɔsun, ia wex. 102-103 akpá. 10-12; w14-EG 15/3 wex. 15 akpá. 15-16]
6. Nɛ̌ Jehovah ka wà nǔ gbɔn hwenu e é mɔ ɖɔ gbeyiɖɔ tɔn gbejinɔtɔ́ Elíi flú bǐ é? Nɛ̌ mǐ ka sixu wà nǔ Mawu wanyiyinɔ mǐtɔn ɖɔhun gbɔn? (1 Axɔ. 19:7, 8) [3 Avivɔsun, w14-EG 15/6 wex. 27 akpá. 15-16]
7. Linlin e ma sɔgbe ǎ é tɛ Axɔsu Axabu ka ɖó? Nɛ̌ Klisanwun lɛ ka sixu nyì alɔ nú nùwanyido mɔhun ɖò égbé gbɔn? [10 Avivɔsun, lv-EG wex. 164-165, gbàví; w14-F 1/2 wex. 14 akpá. 3-4]
8. Etɛ nǔ e Elizée byɔ Elíi é ka sixu kplɔ́n mǐ? Nɛ̌ enɛ ka sixu d’alɔ mǐ hwenu e è na zé azɔ̌ yɔyɔ̌ ɖé d’alɔ mɛ nú mǐ ɖò sinsɛnzɔ́ Axɔsuɖuto ɔ tɔn mɛ é gbɔn? (2 Axɔ. 2:9, 10) [17 Avivɔsun, w03-EG 1/11 wex. 31 akpá. 5-6]
9. Nɛ̌ mɛ winnyawinnya lɛ ka sixu xwedó kpɔ́ndéwú ɖyɔvivu e xó è ɖɔ ɖò 2 Axɔsu lɛ 5:1-3 mɛ é tɔn gbɔn? [24 Avivɔsun, w12-EG 15/2 wex. 12-13 akpá. 11]
10. Jijɔ Jehu tɔn tɛ Jehovah sɛntɔ́ lɛ bǐ ka ɖó na dó gǎn bo xwedó ɖò hwenu gudogudo tɔn elɔ lɛ mɛ? (2 Axɔ. 10:16) [31 Avivɔsun, w11-EG 15/11 wex. 5 akpá. 4]