Nukɔnyiyi Sinsɛnzɔ́ ɔ Tɔn Lɛ

Ðò République centrafricaine ɔ, mǐ ɖ’ayi wu ɖɔ mɛ e wá Flǐn ɖò Lidosun e wá yì é mɛ é sukpɔ́ hú ɖ’ayǐ tɔn lɛ bǐ, é wɛ nyí gbɛtɔ́ 16350. Enyi mǐ sɔ́ jlɛ́ dó xwè e wá yì é tɔn wu ɔ, gbɛtɔ́ 3614 wɛ jɛji. Ðò Tchad lɔ ɔ, mɛ e wá Flǐn ɔ lɛ é zɛ ɖ’ayǐ tɔn lɛ bǐ wu, é wɛ nyí mɛ 4582. Enyi mǐ wá yì Gbadahweji Aflika tɔn ɔ, wɛnjlatɔ́ 132 e ɖò Guinée-Bissao lɛ é kplɔ́n Biblu xá mɛ 549 ɖò Xwèjísun 2015 tɔn mɛ. È má ɖó zɛ̌nzɛ̌n ɔ, wɛnjlatɔ́ ɖokpo kplɔ́n Biblu xá mɛ 4 jɛji. Nɔví sunnu kpo nɔví nyɔnu kpo 58 wɛ wà gbexosin-alijitɔ́zɔ́. Ðò sun ɖokpo enɛ ɔ mɛ ɔ, wema, akpomɛwema, kpo xójlawema kpo e è xwlé mɛ ɖò Mali kpo Sénégal kpo é hú ɖ’ayǐ tɔn lɛ gbɛmɛ. Mɛbakpɔ́n lɛ kpo Biblu kpinkplɔn xá mɛ lɛ kpo lɛ́vɔ jɛji tawun. Nɔví mǐtɔn lɛ xlɛ́ ganji ɖɔ gbɛxixɔ ɔ nyí nùnina ɖé bo xɔ akwɛ ɖesu ɖò nukún emitɔn mɛ ɖò Flǐn ɔ sín táan mɛ.—2 Kɔ. 5:14.