DƆKUN MAWUXÓ Ɔ TƆN ÐÉ LƐ | TÍNTƆ́N 35-36

È Sɔnǔ nú Ye Bonu Ye Na W’azɔ̌ Jehovah Tɔn

35:25, 26, 30-35; 36:1, 2

Gbigbɔ mímɛ́ Jehovah tɔn d’alɔ Besalɛli kpo Oxoliyavu kpo bɔ ye kpéwú bo xwedó alixlɛ́mɛ e é na dó goxɔ ɔ gbigbá wu lɛ é hlɛ́nhlɛ́n. (Kpɔ́n ɖiɖe e ɖò akpa ɔ jí é.) Jehovah nɔ lɛ́ na gbigbɔ mímɛ́ tɔn hlɔnhlɔnnɔ ɔ mɛsɛntɔ́ tɔn lɛ ɖò égbé. Nɛ̌ mǐ ka sixu ɖu lè tɔn gbɔn?

Mǐ ɖó na nɔ xoɖɛ bo byɔ gbigbɔ mímɛ́ Jehovah tɔn ɖɔ é ni d’alɔ mǐ bonu nǔwukpíkpé e mǐ ɖó bo nɔ sɛn ɛ é na kpɔ́n te d’eji
Mǐ ɖó na nɔ xà Xó Mawu tɔn kpo kanɖodónǔwu kpo
Mǐ ɖó na nɔ zé mǐɖée bǐ jó nú azɔ̌ ɖebǔ e è ɖè nú mǐ é

Fɔtóo lɛ: Kúnnuɖetɔ́ Jehovah tɔn lɛ ɖò azɔ̌ yɛhwexɔ́suɖuto ɔ tɔn vovo lɛ wà wɛ. 1. Nɔví nyɔnu ɖé ɖò alɔ dó wɛ ɖò xɔgbigbázɔ́ ɖé hwenu. 2. Nɔví sunnu ɖé ɖò nǔ sɔ́ wɛ nú lee é na kpé nukún dó ‘Atɔxwɛ’ Kplɔnkplɔn wu gbɔn é. 3. Nɔví sunnu ɖé ɖò wɛn jlá cɔ́funɔ ɖé wɛ, bɔ nɔví sunnu ɔ sín wegɔ́ ɖò gbeklánxámɛtɔ́ lɛ cɔ́ wɛ. 4. Asú kpo asì kpo ɖé ɖò Wemaxɔmɛ nú Wɛnɖagbejlatɔ́ Axɔ́suɖuto ɔ tɔn lɛ.

Azɔ̌ tɛ lɛ Jehovah ka sixu sɔnǔ nú we bɔ a na wà?