Kúnnuɖenú E Xlɛ́ Nyɔna Jehovah Tɔn É

8:6-9, 12; 9:1-5, 23, 24

Jehovah sɛ́ myɔ dó bɔ é fyɔ́ vɔ̌ e è nɔ dó zo é nukɔntɔn e Aalɔ́ɔn kpo vǐ sunnu tɔn lɛ kpo, vɔsanúxwlémawutɔ́ yɔyɔ̌ e è sɔ́ lɛ é sá é. Enɛ xlɛ́ ɖɔ Jehovah nɔ gudo nú tuto enɛ bo lɛ́ yí gbè na. Mɔ̌ mɛ ɔ, Jehovah dó wusyɛn lanmɛ nú Izlayɛli-ví lɛ kpo mɛ e kplé ɖò finɛ bo mɔ bɔ nǔ enɛ jɛ lɛ é kpo ɖɔ ye ni nɔ gudo nú tuto vɔsanúxwlémawutɔ́ lɛ tɔn ɔ bǐ mlɛ́mlɛ́. Égbé ɔ, Jezu Klisu susunɔ, ee nyí Vɔsanúxwlémawutɔ́ Ðaxó ɔ é zán wɛ Jehovah ɖè. (Eb 9:11, 12) Ðò 1919 ɔ, Jezu sɔ́ sunnu yí ami dó ɖè gbɛ̌ta klewun ɖé, bɔ ye nyí “[deví] gbejinɔtɔ́, ayiɖotenanɔ” ɔ. (Mt 24:45) Kúnnuɖenú tɛ lɛ ka xlɛ́ ɖɔ Jehovah nɔ kɔn nyɔna tɔn dó deví gbejinɔtɔ́ ɔ jí, ɖò gudo tɔn, bɔ nǔ tɔn nɔ lɛ́ nyɔ́ nukún tɔn mɛ?

• Yadonúmɛ magbokɔ lɛ ɖò finɛ có, deví gbejinɔtɔ́ ɔ kpò ɖò nǔɖuɖu gbigbɔ tɔn na mǐ wɛ

• Lee è ko ɖɔ ɖ’ayǐ gbɔn é ɔ, è ɖò wɛnɖagbe ɔ jlá wɛ “gbɔn gbɛ̀ ɔ bǐ mɛ.”—Mt 24:14

Nɛ̌ mǐ ka sixu nɔ gudo nú deví gbejinɔtɔ́ ayiɖotenanɔ ɔ bǐ mlɛ́mlɛ́ gbɔn?