Ðeji Ðɔ Jehovah Na Nyɔ́ Xomɛ Dó Wǔ We

Jehovah nɔ mɔ ɖɔ a xɔ akwɛ ɖò nukún emitɔn mɛ. (Eza 43:4) É dɔn we wá éɖée gɔ́n, bo lɛ́ dɔn we wá tutoblonunu tɔn mɛ. Sɔ́ e a sɔ́ hwiɖée jó nú Jehovah bo lɛ́ bló baptɛm é zɔ́n bɔ a huzu étɔn. Enyi a na bo tlɛ ɖò wuvɛ̌ lɛ mɛ gbɔn wɛ ɔ, é na kpé nukún dó wǔ we nǔɖokan tɔn bǔnɔ ɖé ɖɔhun. É na ɖè xomɛnyínyɔ́ xlɛ́ we gbɔn tutoblonunu tɔn gblamɛ.—Ðɛ 25:10.

Enyi mǐ gbéjé lee tutoblonunu Jehovah tɔn wà nǔ gbɔn ɖò adla e j’ayǐ ɖò agaɖanu dìn lɛ é hwenu é kpɔ́n ɔ, xomɛnyínyɔ́ Jehovah tɔn na lɛ́ sù nukún mǐtɔn mɛ d’eji.

KPƆ́N VIDEO WĚÐEGBƐ́ TITOBLONUNUTƆ́ LƐ TƆN SÍN GBEÐIÐÓ 2019 TƆN Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Nɛ̌ Wěɖegbɛ́ Titoblonunutɔ́ lɛ tɔn ka nɔ sɔnǔ nú alaxɔ lɛ gbɔn gbɛ̀ ɔ bǐ mɛ nú ye na d’alɔ ɖò adla j’ayǐ lɛ hwenu gbɔn?

• 

  Nɛ̌ tutoblonunu Jehovah tɔn ka na alixlɛ́mɛ lɛ nɔví e ɖò Indonésie kpo Nigéria kpo lɛ é gbɔn? Nɛ̌ è ka hɛn sɔ ye gbɔn?

• 

  Etɛ ka jiwǔ nú we ɖò lee tutoblonunu ɔ wà nǔ gbɔn ɖò jɛmɛji COVID-19 tɔn hwenu é mɛ?