Nǔkplɔnkplɔn Tɔn

JANVIER 2022

XÓTA NǓKPLƆNKPLƆN TƆN LƐ NÚ: 28 FÉVRIER–3 AVRIL 2022

XÓTA XWÈ 2022 TƆN MǏTƆN:

“Mɛ e nɔ ba Jehovah lɛ é ɔ, nǔ ɖagbe ɖebǔ na hwedó ye ǎ.”—ÐƐH. 34:10, nwt.

È nɔ sà wema elɔ ǎ. È bló nú azɔ̌ Biblu kpinkplɔnmɛ tɔn e è nɔ wà gbɔn gbɛ̀ ɔ bǐ mɛ kpo alɔdó jlǒ ɖagbenɔ lɛ tɔn kpo é. Nú a jló na na nǔnina ɖé hǔn, kɛnklɛn yì donate.jw.org jí.

Nú è ma ɖexlɛ́ ɖò alɔkpa ɖevo mɛ ǎ ɔ, wemafɔ e è ɖè dó wema elɔ mɛ lɛ é gosin Biblu Fɔngbe tɔn MAWUXÓWEMA mɛ, bɔ mǐ wlán ɖò alɔkpa e mɛ è nɔ wlán nǔ gbɔn ɖò égbé é. Nǔwlanwlán ɖěɖee nya lɛ é ɔ, mǐɖesu wɛ sɔ́ ye ɖó mɔ̌. Fí e è wlán nwt bɔ dó wemafɔ Biblu tɔn ɖé wu ɖè é ɔ, é ɖexlɛ́ ɖɔ è lilɛ wemafɔ ɔ sín Biblu Glɛnsigbe tɔn New World Translation of the Holy Scriptures mɛ.

ÐIÐE E ÐÒ AKPA Ɔ JÍ É:

Ðò ya ɖaxó ɔ hwenu ɔ, mɛ e ɖò ahwankpá Gɔgu Magɔgi tɔn mɛ lɛ é sixu tɛ́n kpɔ́n bo na tɔ́n ahwan mǐ ɖò xwé mǐtɔn lɛ gbè. Amɔ̌, tuùn e mǐ tuùn ɖɔ Jezu kpo wɛnsagun lɛ kpo tuùn nǔ e ɖò jijɛ wɛ lɛ é, bo na jɛ ahwan mǐ jí é sixu dó gbɔ nú mǐ (Kpɔ́n xóta nǔkplɔnkplɔn tɔn 1tɔn, akpáxwé 13)