Nǔ ɖěɖěe a sixú kplɔ́n ɖo nǔkplɔ́nkplɔ́n mɛɖésúnɔ tɔn alǒ ɖo mawusinsɛn ɖo xwédo mɛ hwenu lɛ́ é

Mǐ nɔ kplé ɖó kpɔ́ ɖo kplé mǐtɔn lɛ́ kpó kpléɖókpɔ́ lɛ́ kpó jí dó sɛn Jexóva; é ka nyí fí énɛ́ lɛ́ kɛ́ɖɛ́ jɛ́n mǐ nɔ sɛn ɛ ɖe ǎ, mǐ nɔ lɛ́ wa mɔ̌ mǐɖokpónɔ, alǒ ɖo xwédo mɛ. Nǔ ɖěɖěe a sixú kplɔ́n ɖo nǔkplɔ́nkplɔ́n mɛɖésúnɔ tɔn towe alǒ ɖo mawusinsɛn ɖo xwédo mɛ hwenu lɛ́ é ɖé lɛ́ ɖíe:

• Sɔ́ nǔ nú kplé agun tɔn lɛ́. A sixú kplɔ́n han lɛ́ bo lɛ́ d’alɔ mɛ e ɖo xwédo towe mɛ lɛ́ é bǐ bónú yě ná sɔ́ nǔ nú xósin ɖé.

• Xa tan Biblu tɔn ɖé. Énɛ́ gúdo hǔn, ɖe desɛ́ɛn nǔ e jɛ ɖo tan ɔ mɛ é ɖé tɔn, alǒ wlǎn nǔ e a kplɔ́n ɖ’é mɛ é ɖé ɖ’ayǐ.

• Gbějé ɖɛ e ɖo Biblu mɛ é ɖé kpɔ́n, lobo lin tamɛ dó lěe é sixú d’alɔ we bɔ ɖɛ towe lɛ́ ná kpɔ́n te d’é jí gbɔn é jí.

• Kpɔ́n video tutoblónúnǔ ɔ tɔn ɖé. Énɛ́ gúdo hǔn, ɖɔ xó d’é jí xá mɛ ɖěvo lɛ́, alǒ, wlǎn nǔ e a yí wǎn ná é ɖé ɖ’ayǐ.

• Sɔ́ nǔ nú sinsɛnzɔ́ ɔ, vlafo gbɔn lěe nǔ lɛ́ sixú wá yi gbɔn ɖo sinsɛnzɔ́ ɔ mɛ é bíbló gblamɛ.

• Kpɔ́n nǔɖíɖó lɛ́, bo lin tamɛ dó yě jí, alǒ ɖɔ xó dó nǔ e yě kplɔ́n we dó Jexóva wú é jí.a