Sɔ́ nǔ nú ayi towe

Ényí mǐ ɖo Biblu kplɔ́n wɛ ɔ, mǐ nɔ ba ɖɔ linlin Jexóva tɔn lɛ́ ní byɔ́ ayi mǐtɔn mɛ. Ɛsidlási sɔ́ kpɔ́ndéwú ɖagbe ɖ’ayǐ ɖo ali énɛ́ nu hwenu e é “sɔ́ nǔ nú ayi tɔn bo ná dó ba do nú Sɛ́n Jexóva tɔn” é. (Ɛsd. 7:10, nwt) Nɛ̌ mǐ ka sixú sɔ́ nǔ nú ayi mǐtɔn gbɔn?

Nɔ xo ɖɛ. Nɔ bɛ́ nǔkplɔ́nkplɔ́n ɖokpó ɖokpó kpó ɖɛ kpó. Nɔ byɔ́ Jexóva ɖɔ é ní d’alɔ we nú a ná mɔ nukúnnú jɛ nǔ e kplɔ́n wɛ a ɖe é mɛ, bo lɛ́ zán.—Ðɛh. 119:18, 34.

Tɛ́n kpɔ́n bo ɖó mɛɖéesɔ́hwe. Mawu nɔ sɔ́ nǔgbó ɔ hwlá dó mɛ ɖěɖěe goyíyí nɔ zɔ́n bɔ yě nɔ gán jɛ nǔnywɛ́ yěɖésúnɔ tɔn wú lɛ́ é. (Luk. 10:21) Gɔ́ ná ɔ, mǐ ba ná kplɔ́n nǔ kpowun dó xlɛ́ mɛ ɖěvo lɛ́ lě do mǐ tuun nǔ sɔ é ǎ. Nɔ húzú linlin towe lɛ́ kpó mɛɖéesɔ́hwe kpó hwenu e yě ma sɔgbe xá Mawu tɔn lɛ́ ǎ é.

Tɛ́n kpɔ́n bo nɔ ɖótó han Axɔ́súɖuto ɔ tɔn ɖé. Han lɛ́ ɖó hlɔ̌nhlɔ́n bo nɔ ɖɔ xó nú ayi mǐtɔn, dó sɔ́ nǔ nú mǐ nú mawusinsɛn. Tó ɖíɖó han Axɔ́súɖuto ɔ tɔn ɖé cóbó jɛ nǔ kplɔ́n jí sixú d’alɔ we bɔ a ná sɔ́ nǔ nú ayi towe.