Nukplɔkplɔn 11
Nuɖiɖi kpó Aca kpó ee Mawu Gbɛwǎnna Lɛ
Nuɖiɖi kpó aca alɔkpa tɛ lɛ kpó wɛ ma sɔgbe ǎ? (1)
Klisanwun lɛ ɖo na ɖinú ɖɔ Mawu nyí Atɔ̀n-ɖo-ɖokpomɛ à? (2)
Etɛwu wɛ Klisanwun nugbo lɛ ma nɔ ɖù Nataa-xwè à, Paskwa à abi jijizan à? (3, 4)
Mɛkuku lɛ sixu wà nǔ nyanya nú mɛ e ɖò gbɛ̀ lɛ à? (5)
Jezu ka kú ɖo aklúzù ji à? (6)
Nɛwɛ e ka nyí nu titɛwungbe ɖo sɔ bɔ mí na nyɔ́ ɖo Mawu nukun mɛ? (7)
1. Nuɖiɖi lɛ bǐ kpó aca lɛ bǐ kpó wɛ gble ǎ. Amɔ̌ Mawu yigbe na ǎ enyí yé gosin sinsɛ̀n nuvu ɖe mɛ abǐ gbɔnvo nú nukplɔnmɛ Biblu tɔn lɛ.—Matie 15:6.
2. Atɔ̀n-ɖo-Ðokpomɛ: Jehovah nyí Atɔ̀n-ɖo-ɖokpomɛ mɛ à—gbɛtɔ atɔ̀n ɖo Mawu ɖokpo mɛ à? Eǒ! Jehovah Tɔ́ ɔ wɛ nyí “Mawu nugbo ɖokpo e tíìn é.” (Jaan 17:3; Maki 12:29) Jezu ɔ, nyí Vi Tɔn nukɔn nukɔn tɔn lobo yì dò nú Mawu. (1 Kolɛntinu lɛ 11:3) Tɔ́ ɔ klo hú Vi ɔ. (Jaan 14:28) Yɛsinsɛ̀n nyí gbɛtɔ ɖe ǎ; hlɔnhlɔn do wazɔ Mawu tɔn wɛ.—Genèse 1:2; Mɛsɛ́dó 2:18.
3. Nataa-Xwè kpó Paskwa Kpó: È ji Jezu ɖò azán 25 décembre tɔn gbe ǎ. È ji i ɖò bla yi 1er octobre tɔn, hwenu xwe ɔ tɔn ee lɛngbɔnyìtɔ lɛ ɖò gle mɛ bo nɔ nyì lɛngbɔ̌ yetɔn lɛ ɖo zǎn mɛ. (Luka 2:8-12) Jezu ka ɖe gbe nú Klisanwun lɛ gbeɖe ɖɔ ye ni nɔ ɖù jijizan emitɔn ǎ. Loɔ é ɖɔ̀ nú devi tɔn lɛ ɖɔ yé ni nɔ flin kuzan émitɔn. (Luka 22:19, 20) Nataa-xwè kpó aca tɔn lɛ kpó wá sin sinsɛ̀n nuvu xoxohwenu tɔn lɛ mɛ. Nu ɖokpo ɔ wɛ é nyí nú aca Paskwa tɔn lɛ ɖi lee yé nɔ zan azìn kpó azwi lɛ kpó. Klisanwun xoxohwenu tɔn lɛ nɔ ɖù Nataa-xwè abǐ Paskwa ǎ, mɔɖokpo ɔ wɛ Klisanwun nugbo tɔn lɛ nɔ ɖù ǎ.
4. Jijizan-Xwè: Jijizan-xwè wè ee nyí xo ɖɔ ɖ’eji ɖo Biblu ɔ mɛ é ɔ, é nyí bloblo gbɔn mɛ wè e ma nyí Jehovah sɛ̀ntɔ ǎ lɛ. (Genèse 40:20-22; Maki 6:21, 22, 24-27) Klisanwun xoxohwenu tɔn lɛ ɖebu nɔ ɖù jijizan-xwè ǎ. Aca jijizan-xwè tɔn wá sin sinsɛ̀n nuvu xoxohwenu tɔn lɛ mɛ. Klisanwun nugbo lɛ nɔ na nú mɛ bo nɔ nɔ kpɔ ɖo jɛxwa hwe ɖebunu ɖo xwè ɔ mɛ.
5. Xɛsi ɖi nú Mɛkuku Lɛ: Mɛkuku sixu blo nuɖe abǐ ɖo numɔɖolanmɛ ɖebu ǎ. Mí sixu gɔalɔnu yé ǎ, yé lɔ sixu wà nǔ nyanya ɖebu nú mí ǎ. (Psaumes 146:4; Ecclésiaste 9:5, 10) Lindɔ̌n ɔ nɔ kú; é nɔ ɖo gbɛnɔ ɖò kú guɖo wɛ ǎ. (Ézékiel 18:4) Amɔ̌, hwede lɛ nu ɔ, wɛnsagun nyanya lɛ e è nɔ ylɔ ɖɔ awovi lɛ nɔ sɔ yeɖee xlɛ ɖi gbigbɔ mɛkuku lɛ tɔn. Aca ɖebu e ɖò nuwiwa kpó xesi abǐ sinsɛ̀n bloblo nú mɛkuku lɛ kpó sɔgbe ǎ.—Isaïe 8:19.
6. Akluzu: Jezu kú ɖò akluzu ji ǎ. É kú ɖò kpò abǐ atin de ji. Xogbe Glɛkigbe tɔn ee nyí lilɛ ɖo gbèɖevomɛ ɖi “akluzu” ɖò Biblu gege mɛ ɔ, tínmɛ tɔn wɛ nyí atin-ɖokpo-géé. Wuntun akluzu tɔn wá sín sinsɛ̀n nuvu tɔn xoxohwenu tɔn lɛ mɛ. Klisanwun xoxohwenu tɔn lɛ nɔ zan abǐ nɔ sɛ̀n akluzu ǎ. Enɛwutu ɔ, hwɛ ka lin ɖɔ é nyí nǔ e sɔgbe bɔ è na nɔ zan akluzu ɖò sinsɛ̀n bloblo mɛ à?—Deutéronome 7:26; 1 Kolɛntinu lɛ 10:14.
7. E sixu nyí nǔ e syɛn titewungbe bɔ a ná jo aca abǐ nuɖiɖi enɛ lɛ dó. Hɛnnumɛ lɛ kpó xɔntɔn towe lɛ kpó na tɛnkpɔn bo na hɛn we bɔ a na ɖyɔ nuɖiɖi towe lɛ ǎ. Amɔ̌, alɔkɛyi Mawu tɔn nyí nu titewungbe hu alɔkɛyi gbɛtɔ tɔn.—Proverbes 29:25; Matie 10:36, 37.
[Tinmɛ E Nɔ Nɔ Ðiɖe Glɔ É, Wexwɛ 22]
Mawu nyí Atɔ̀n-ɖo-ɖokpomɛ ǎ
[Tinmɛ E Nɔ Nɔ Ðiɖe Glɔ É, Wexwɛ 23]
Nataa-xwè kpó Paskwa kpó gosin sinsɛ̀n nuvu tɔn xoxohwenu lɛ mɛ
[Tinmɛ E Nɔ Nɔ Ðiɖe Glɔ É, Wexwɛ 23]
Hwejijɔ ɖebu tin nú sinsɛ̀n bloblo abǐ xɛsi ɖi nú mɛkuku lɛ ǎ