‘É Nɔ Jlá Axɔ́súðuto Mawu Tɔn; Nǔ Ðěbǔ Nɔ Sú Ali Dó è ǎ’

Ðo mǐmámɛ élɔ́ mɛ ɔ, mǐ ná mɔ lěe Pɔ́lu ɖí xwi xá ahwan e ɖo adǎn jí lɛ́ é gbɔn é, lěe é dɛ ɖo gankpámɛninɔ nu gbɔn é, kpó kplá e è kplá ɛ yi axɔ́súzɔ́watɔ́ Hlɔ̌ma tɔn lɛ́ nukɔn ɖě jɛ ɖě gúdo é kpó. Nǔ énɛ́ lɛ́ bǐ ɖo fínɛ́ có, mɛsɛ́dó ɔ kpo ɖo kúnnu ɖe dó Axɔ́súɖuto Mawu tɔn wú wɛ. Ée a ná ɖo wěmata akpakpa sɔ́ mɛ tɔn ɖěɖěe sú ta nú wěma Mɛsɛ́dó tɔn lɛ́ é gbéjé kpɔ́n wɛ é ɔ, kanbyɔ́ hwiɖée ɖɔ: ‘Nɛ̌ un ka sixú xwedó kpɔ́ndéwú wɛnɖagbejlátɔ́ énɛ́ e nɔ gbó adɔ bo nɔ lɛ́ ɖó kan dó nǔ wú é tɔn gbɔn?’