WĚMASƐXWETƐN ƐNTƐNƐ́TI JÍ TƆN Watchtower tɔn
WĚMASƐXWETƐN ƐNTƐNƐ́TI JÍ TƆN
Watchtower tɔn
Fɔngbe
Á
  • Á
  • á
  • Ǎ
  • ǎ
  • É
  • é
  • È
  • è
  • Ě
  • ě
  • Ɛ́
  • ɛ́
  • Ɛ̌
  • ɛ̌
  • Ó
  • ó
  • Ǒ
  • ǒ
  • Ú
  • ú
  • Ǔ
  • ǔ
  • Í
  • í
  • Ǐ
  • ǐ
  • Ɔ́
  • ɔ́
  • Ɔ̌
  • ɔ̌
  • BIBLU
  • WĚMA LƐ́
  • KPLÉ LƐ́
  • yc nǔkplɔ́nkplɔ́n 5 wěx. 12-13
  • Samuwɛli Nɔ Ðò Nǔ E Sɔgbe É Wà Wɛ

Video ɖě ko ɖo nǔ e a sɔ́ é jí ǎ.

Ma sin xomɛ ó, nǔɖé jɛ do ɖo nǔ e ba wɛ a ɖe é mɛ.

  • Samuwɛli Nɔ Ðò Nǔ E Sɔgbe É Wà Wɛ
  • Kplɔ́n Vǐ Towe Lɛ
  • Xóta mɔ̌hun ɖěvo lɛ́
  • Nyaví Kpɛví Ðé Sɛ̀n Mawu
    Tàn Biblu Tɔn lɛ Sín Wema Ce
  • É “Ðò Susu Wɛ Ðò Mawu Mavɔmavɔ Nukɔn”
    Ði Nǔ Ye Ðɔhun
  • Jehovah Ðɔ Xó nú Samuwɛli
    Nǔ Ðěɖee A Sixu Kplɔ́n Ðò Biblu Mɛ lɛ É
  • È Dó Kpò Awa Mɛ N’i Có, É Dɛ
    Ði Nǔ Ye Ðɔhun
Kpɔ́n nǔ ɖěvo lɛ́
Kplɔ́n Vǐ Towe Lɛ
yc nǔkplɔ́nkplɔ́n 5 wěx. 12-13

NǓKPLƆNKPLƆN 5

Samuwɛli Nɔ Ðò Nǔ E Sɔgbe É Wà Wɛ

Samuwɛli nɔ goxɔ Mawu tɔn mɛ bo nɔ w’azɔ̌ ɖò finɛ sín kpɛví tɔn. Finɛ wɛ mɛ lɛ nɔ wá sɛn Jehovah ɖè. A ka tuùn lee Samuwɛli wá goxɔ Mawu tɔn mɛ gbɔn é à? Nǔ mǐ ni kplɔ́n nú dó Samuwɛli sín nɔ Ana wu jɛ nukɔn.

Ana ba vǐ na jì nú xwè gegě, amɔ̌, é mɔ ɖokpo vɔ́vɔ́ jì ǎ. Enɛ wu ɔ, é xoɖɛ bo savo nú Jehovah ɖɔ é ni d’alɔ emi. É d’akpá ɖɔ enyi emi jì vǐ sunnu ɖé ɔ, emi na sɛ́ ɛ dó goxɔ Mawu tɔn mɛ bɔ é na w’azɔ̌ ɖò finɛ. Jehovah sè ɖɛ tɔn bɔ é jì vǐ sunnu ɖé, bo sun nyǐ i ɖɔ Samuwɛli. Hwenu e Samuwɛli ɖó xwè atɔn alǒ ɛnɛ é ɔ, Ana sɔ́ ɛ jó ɖò goxɔ Mawu tɔn mɛ bonu é na sɛn ɛ ɖò finɛ, lee é ko d’akpá tɔn gbɔn é.

Eli wɛ nyí vɔsanúxwlémawutɔ́ ɖaxó ɔ ɖò goxɔ Mawu tɔn mɛ. Vǐ sunnu tɔn we lɛ lɔmɔ̌ nɔ w’azɔ̌ ɖò finɛ. Flín ɖɔ goxɔ ɔ mɛ wɛ è nɔ sɛn Mawu ɖè, bɔ è ɖó na nɔ wà nǔ ɖagbe ɖò finɛ. Amɔ̌, nǔ nyanya kɛɖɛ wɛ Eli sín vǐ lɛ nɔ wà. Samuwɛli nɔ mɔ nǔ e wà wɛ ye ɖè é. Samuwɛli lɔ ka nɔ wà nǔ nyanya Eli sín vǐ lɛ ɖɔhun wɛ à?— Eǒ, é nɔ ɖò nǔ e sɔgbe é wà wɛ, lee mɛjitɔ́ tɔn lɛ kplɔ́n ɛ gbɔn é.

Etɛ a ka lin ɖɔ Eli ɖó na ko wà nú vǐ sunnu tɔn we lɛ?— É ɖó na ko dɔn tó nú ye. É sɔ́ ɖó na lɔn nú ye na w’azɔ̌ ɖò xwé Mawu tɔn gbè ɖě ǎ. Eli ka wà mɔ̌ ǎ. Enɛ wu ɔ, Jehovah sin xomɛ dó é kpo vǐ sunnu tɔn we lɛ kpo, bo ɖɔ emi na dɔn tó nú ye.

Samuwɛli ɖò xó ɖɔ nú Vɔsanúxwlémawutɔ́ Ðaxó Eli wɛ hwenu e é ɖò vǔ é

Samuwɛli dó wɛn Jehovah tɔn Eli

Samuwɛli ɖò amlɔ dɔ wɛ ɖò zǎnmɛ gbè ɖokpo, bo sè bɔ mɛɖé jɛ yiylɔ́ ɛ jí: ‘Samuwɛli!’ É bɛ́ wezun yì Eli gɔ́n, amɔ̌, Eli ɖɔ: ‘Un ylɔ́ we ǎ.’ Nǔ enɛ jɛ azɔn we gɔ́ na. Ðò azɔn atɔngɔ́ ɔ gudo ɔ, Eli ɖɔ nú Samuwɛli ɖɔ enyi é sɔ́ sè gbè ɔ ɖě hǔn, é ni ɖɔ: ‘Kɛnklɛn Jehovah, ɖɔ xó; un ɖò tó ɖó we wɛ.’ Nǔ e Samuwɛli wà é nɛ. Enɛ gudo ɔ, Jehovah ɖɔ nú Samuwɛli ɖɔ: ‘Ðɔ nú Eli ɖɔ un na dɔn tó nú xwédo tɔn, ɖó nǔ nyanya e ye wà lɛ é wu.’ A ka lin ɖɔ é bɔwǔ nú Samuwɛli bonu é na dó wɛn enɛ Eli à?— Eǒ, é bɔwǔ ǎ. Xɛsi ɖi Samuwɛli có, é ka dó wɛn Jehovah tɔn. Nǔ e Jehovah ɖɔ é jɛ nǔgbo. È hu Eli sín vǐ sunnu we lɛ, bɔ Eli lɔ kú.

Kpɔ́ndéwú ɖagbe ɖé wɛ Samuwɛli nyí nú mǐ. É ɖò nǔ nyanya e wà wɛ mɛ lɛ ɖè é mɔ wɛ có, é ka wà nǔ e sɔgbe é. Hwɛ ka lo? A ka na cí Samuwɛli ɖɔhun, bo na nɔ ɖò nǔ e sɔgbe é wà wɛ à? Enyi a wà mɔ̌ ɔ, a na hɛn xomɛ Jehovah kpo mɛjitɔ́ towe lɛ kpo tɔn hun.

XÀ ÐÒ BIBLU TOWE MƐ

  • 1 Samuwɛli 2:22-26; 3:1-21

NǓKANBYƆ LƐ:

  • Akpá tɛ Samuwɛli sín nɔ ka dó?

  • Etɛ Eli sín vǐ lɛ ka nɔ wà ɖò goxɔ ɔ mɛ bɔ Samuwɛli nɔ mɔ?

  • Etɛ Jehovah ka ɖɔ Samuwɛli ni bló?

  • Etɛwu Samuwɛli ka nyí kpɔ́ndéwú ɖagbe ɖé nú mǐ?

    Fon Publications | (2008-2025)
    Sú kɔ́ntu towe
    Hun kɔ́ntu towe
    • Fɔngbe
    • Sɛ́ dó mɛɖé
    • Nǔjlómɛ lɛ́
    • Copyright © 2025 Watch Tower Bible and Tract Society of Pennsylvania
    • Sɛ́n e ɖɔ nǔ dó zǐnzán tɔn nu lɛ́ é
    • Sɛ́n nǔ e kan mɛɖésúnɔ lɛ́ é tɔn lɛ́
    • Paramètres de confidentialité
    • JW.ORG
    • Hun kɔ́ntu towe
    Sɛ́ dó mɛɖé