Xónusɔ́ɖóte Akpáxwé 3gɔ́ ɔ Tɔn

Ðò xwè ɖěɖee bɔ dó Sìnvɔgbɛ ɔ wu lɛ é mɛ ɔ, mɛ klewun ɖé jɛn sɛ̀n Jehovah bɔ Biblu ɖɔ xó yetɔn. Ablaxamu e è wá ylɔ ɖɔ xɔ́ntɔn Jehovah tɔn é ɖò mɛ enɛ lɛ e sɛ̀n ɛ é mɛ. Etɛwu è ka ylɔ ɛ ɖɔ xɔ́ntɔn Jehovah tɔn? Nú mɛjitɔ́ ɖé wɛ nú we hǔn, d’alɔ vǐ towe bonu é ni mɔ ɖɔ nǔ emitɔn nɔ ɖu ayi mɛ nú Jehovah bɔ é jló na d’alɔ emi. Ablaxamu kpo sunnu gbejinɔtɔ́ ɖevo lɛ kpo, ɖi Lɔti kpo Jakɔbu kpo ɖɔhun ɔ, mǐ sixu vo bo byɔ alɔdo Jehovah tɔn faà. Mǐ sixu ɖeji ɖɔ Jehovah na kpó ɖò akpá e é dó lɛ é bǐ ɖè wɛ.