Nǔflínmɛ ɖé lɛ nú Kpléɖókpɔ́watɔ́ Lɛ

BAPTƐM Mɛxo agun tɔn towe lɛ ko bló tuto lɛ sɔgbe xá ninɔmɛ xá ɔ mɛ tɔn lɛ, bonu mɛ ɖěɖee jló na bló baptɛm lɛ é na bló baptɛm ɖò akpáxwé Síbígbe zǎnzǎn tɔn ɔ gudo.

NǓNINA LƐ È lilɛ kpléɖókpɔ́ ɖaxó elɔ dó gbè 400 jɛji mɛ. Nǔ e a nɔ na kpo jlǒ kpo lɛ é nɔ nɔ gudo nú azɔ̌ enɛ e mǐ nɔ wà gbɔn gbɛ̀ ɔ bǐ mɛ é. A sixu zán donate.jw.org dó na nǔ gbɔn Ɛntɛnɛti jí. Nǔnina lɛ bǐ wɛ nɔ xɔ akwɛ tawun. Hagbɛ̌ Alixlɛ́mɛtɔ́ ɔ jló na dókú nú we, nú alɔ e a nɔ hun bo nɔ na nǔ dó nɔ gudo nú nǔ Axɔ́suɖuto ɔ tɔn lɛ é.

WEMAXƆMƐ NÚ WƐNÐAGBEJLATƆ́ AXƆ́SUÐUTO Ɔ TƆN LƐ Gbexosin-alijitɔ́ ɖěɖee ɖó xwè bɛ́sín 23 jɛ 65 bo jló na vlɔ́n kan nú sinsɛnzɔ́ yetɔn lɛ é ɔ, è byɔ ye ɖɔ ye ni ɖɔ nú wěgbojinɔtɔ́ agun yetɔn tɔn bo d’alɔ wema e mɛ è nɔ d’alɔ bo nɔ yì Wemaxɔmɛ nú Wɛnɖagbejlatɔ́ Axɔ́suɖuto ɔ Tɔn Lɛ é Ɛntɛnɛti jí tɔn ɔ mɛ.