Kpan akɔ́n

Nǔ e Jezu wa é

VIDEO: Jezu ɖe wě xá dɔ̌nkpɛvú nukɔntɔ́ dɔkunnɔ ɖé

1. Kpɔ́n VIDEO ɔ, alǒ xa Maki 10:17-22. Énɛ́ gúdo hǔn, lin tamɛ dó nǔkanbyɔ́ élɔ́ lɛ́ jí:

1. Jijɔ ɖagbe tɛ́ lɛ́ Jezu ka sixú ko mɔ ɖo dɔ̌nkpɛvú nukɔntɔ́ ɔ sí?

2. Étɛ́wú Jezu ka ɖó hudó wǎnyíyí kpó akɔ́nkpinkpan kpó tɔn bá dó ɖe wě xá nya ɔ?

Étɛ́ kpɔ́ndéwú Jezu tɔn ka sixú kplɔ́n mǐ?

2. Nǔgbó wɛ ɖɔ mǐ ɖó ná nɔ ɖɔ xó nú nǔkplɔ́ntɔ́ mǐtɔn lɛ́ kpó wǎnyíyí kpó, amɔ̌, mǐ ɖó ná nɔ lɛ́ ɖɔ xójɔxó nú yě dó d’alɔ yě bónú yě ná su ɖo gbigbɔ lixo.

Xwedó kpɔ́ndéwú Jezu tɔn

3. D’alɔ nǔkplɔ́ntɔ́ towe bónú é ní nya nǔɖé lɛ́ gbé bo lɛ́ kpé yě wú.

1. Zǎn akpáxwé “Nǔ e gbé a sixú nya é,” éé ɖo Ðu gbɛ vǐví káká sɔ́yi! sín nǔkplɔ́nkplɔ́n ɖokpó ɖokpó mɛ é.

2. D’alɔ nǔkplɔ́ntɔ́ towe, bónú é ní tuun afɔ tawun tawun e é ná ɖe dó kpé nǔ e gbé nya wɛ é ɖe ɖo asá mɛ fí din lɛ́ é kpó éé ná jɛ túnu tɔn lɛ́ é kpó wú é.

3. Nɔ kpa nǔkplɔ́ntɔ́ towe hwɛhwɛ ɖó nukɔnyiyi tɔn lɛ́ wú.

4. Sɔ́ kɛ́n nǔ e nɔ gbo kpo nyi ali jí nú nukɔnyiyi lɛ́ é tɔn, bo d’alɔ nǔkplɔ́ntɔ́ towe bónú é ní ɖu ɖo nǔ énɛ́ lɛ́ jí.

1. Kanbyɔ́ hwiɖée ɖɔ:

   • ‘Ényí nǔkplɔ́ntɔ́ ce ma ɖo nukɔn yi wɛ bo ná bló batɛ́mu ǎ ɔ, étɛ́ ka ɖo dindɔn ɛ dó gǔdo wɛ?’

   • ‘Alɔ tawun tawun tɛ́ lɛ́ un ka sixú dó è?’

2. Xo ɖɛ bo byɔ́ akɔ́nkpinkpan bá ɖɔ xójɔxó nú nǔkplɔ́ntɔ́ towe dó nǔ e é ɖó ná wa é wú, bo ka lɛ́ wa mɔ̌ kpó wǎnyíyí kpó.

5. Ðǒ nǔkplɔ́nkplɔ́n e ma ɖo nukɔn yi wɛ ǎ lɛ́ é te

1. Kan nǔ élɔ́ lɛ́ byɔ́ hwiɖée dó gbéjé kpɔ́n ɖɔ Biblu kplɔ́ntɔ́ towe ka ɖo nukɔn yi wɛ a jí:

   • ‘Nǔkplɔ́ntɔ́ ce ka ɖo nǔ e kplɔ́n wɛ é ɖe lɛ́ é zán wɛ a?’

   • ‘É ka nɔ yi kplé agun tɔn lɛ́ bo nɔ lɛ́ jlá nǔgbó ɔ mɛ ɖěvo lɛ́ a?’

   • ‘Ée é ko kplɔ́n nǔ nú hwenu ɖé gúdo din é ɔ, é ka jló ná húzú Kúnnuɖetɔ́ Jexóva tɔn a?’

2. Ényí Biblu kplɔ́ntɔ́ ɖé ma ba ná yi nukɔn ǎ hǔn:

   • Byɔ̌ ɛ ɖɔ é ní lin tamɛ dó nǔ e sixú ko ɖo dindɔn ɛ dó gǔdo wɛ é jí.

   • Tínmɛ nǔ e wú a jló ná ɖó nǔ nǔkplɔ́nkplɔ́n ɔ nu é n’i kpó yɛ̌yi kpó.

   • Nǔ é ní tuun afɔ e é ɖó ná ɖe hwɛ̌ cóbɔ nǔkplɔ́nkplɔ́n ɔ ná lɛ́ bɛ́ é.