Nǔflínmɛ ɖé lɛ́ nú kpléɖókpɔ́wátɔ́ lɛ́

AJIJIMƐNÚ LƐ́ XƆSÁ Kɛnklɛ́n hɛn dó ayi mɛ ɖɔ ajijimɛ sín nǔ lɛ́ kɛ́ɖɛ́ wú wɛ azɔ̌xɔsá énɛ́ nɔ kpé nukún dó.

BATƐ́MU Tɛnmɛ e è sɔ́ ɖ’ayǐ nú mɛ e jló ná bló batɛ́mu lɛ́ é ná ɖo atáa ɔ sín nukɔn, afi nú è lɛ́ wá ɖe xlɛ́ ɖo alɔkpa ɖěvo mɛ ɔ nɛ́. Mɛ e jló ná bló batɛ́mu lɛ́ é ɖó ná jínjɔ́n fínɛ́ cóbɔ xóɖiɖɔ batɛ́mu tɔn ɔ ná bɛ́ ɖo síbígbe zǎnzǎn. Yě mɛ ɖokpó ɖokpó ɖó ná hɛn wǔsúnsúnnú kpó nǔ e yě ná dó bo bló batɛ́mu ná bɔ é ɖo jlɛ̌ jí é kpó wá.

MƐÐÉE ZÍZÉ JÓ XƆSÁ Ényí a jló ná zé hwiɖée jó bo ná ɖ’alɔ ɖo azɔ̌ e kunkplá tuto kpléɖókpɔ́ ɔ tɔn lɛ́ é mɛ hǔn, kɛnklɛ́n yi azɔ̌xɔsá e nɔ ɖɔ nǔ e ba wɛ è ɖe lɛ́ é nú mɛ é kpó mɛɖée zízé jó xɔsá kpó.

NǓ E BÚ BƆ È MƆ LƐ́ É È ɖó ná zé nǔ ɖěbǔ e è mɔ é yi nǔ e bú bɔ è mɔ lɛ́ é xɔsá. Ényí a hɛn nǔɖé bú hǔn, yi azɔ̌xɔsá énɛ́ bo ba kpɔ́n. Ényí a mɔ vǐ ɖé bónú é bú dó mɛjitɔ́ tɔn lɛ́ bo ɖo flúflú wɛ hǔn, kɛnklɛ́n kplá ɛ sɔ́yi azɔ̌xɔsá énɛ́. É ɖo mɔ̌ có, kɛnklɛ́n kpé nukún dó vǐ towe lɛ́ wú, bo hɛn yě ɖó akpá towe bónú nǔ mɔ̌hun ma wá jɛ ó.

NǓNÍNÁ LƐ́ È zán akwɛ́ gěgé bo dó bló tuto zinkpo e jɛ lɛ́ é tɔn, mɔ gbezéyiaga tɔn tɔn, videoxonú lɛ́ tɔn, kpó azɔ̌xɔsá gěgé ɖěvo lɛ́ tɔn kpó bónú mǐ ná dó sixú ɖu vǐví kpléɖókpɔ́ ɔ tɔn lobo ná sɛkpɔ́ Jexóva. Nǔníná towe e a nɔ sɔ́ jlǒ dó ná é nɔ d’alɔ bɔ è nɔ kpé akwɛ́zínzán énɛ́ lɛ́ wú, lobo nɔ lɛ́ nɔ gǔdo nú azɔ̌ e mǐ nɔ wa gbɔn gbɛ ɔ bǐ mɛ é. Bónú é ná bɔkun nú we ɔ, è to gbǎví nǔníná tɔn e è ɖó wuntun lɛ́ é gbɔn nɔtɛn kpléɖókpɔ́ ɔ tɔn. A sixú zán donate.jw.org dó ná nǔ gbɔn Ɛntɛnɛ́ti jí. Nǔníná lɛ́ bǐ wɛ xɔ akwɛ́ tawun. Hǎgbɛ́ alixlɛ́mɛtɔ́ ɔ jló ná dó kú nú we nú lěe a nɔ ná nǔ dó nɔ gǔdo nú Axɔ́súɖuto ɔ sín nǔ lɛ́ gbɔn é.

TƐNMƐNÁMƐTƆ́ LƐ́ È ɖe tɛnmɛnámɛtɔ́ lɛ́ bónú yě ná d’alɔ we. Kɛnklɛ́n bo ɖó gbe kpɔ́ xá yě, lobo xwedó wě ɖěbǔ e yě ná ɖe xá we bɔ é ná kunkplá fí e è nɔ gán kɛkɛ́ lɛ́ alǒ mɔ̌to lɛ́ ɖó é, yiyi kpó wiwa kpó ɖo nɔtɛn kpléɖókpɔ́ ɔ tɔn, tɛnmɛ sísɔ́ ɖ’ayǐ nú mɛ, kpó nǔ ɖěvo lɛ́ kpó é.

ZINKPO LƐ́ Kɛnklɛ́n lin mɛ ɖěvo lɛ́ tɔn kpɔ́n. Flín ɖɔ xwédo towe sín hǎgbɛ́ lɛ́, mɛ e kpó hwi kpó zɔn mɔ̌to ɖokpó ɔ mɛ lɛ́ é, mɛ e kpó hwi kpó ɖo xwé ɖokpó ɔ gbe lɛ́ é, alǒ mɛ e a ɖo Biblu kplɔ́n xá wɛ lɛ́ é kɛ́ɖɛ́ wɛ a sixú sɔ́ tɛnmɛ ɖ’ayǐ ná. Kɛnklɛ́n bo ma sɔ́ nǔ ɖěbǔ ɖó tɛn e a ma sɔ́ ɖ’ayǐ nú mɛ ǎ é mɛ ó.

Hǎgbɛ́ alixlɛ́mɛtɔ́ Kúnnuɖetɔ́ Jexóva tɔn lɛ́ tɔn wɛ bló tuto tɔn