Zǎn jw.org Ðò Sinsɛnzɔ́ Towe Mɛ: “Huzu Xɔ́ntɔn Jehovah Tɔn”

Ðò jw.org/fr jí ɔ, nùɖé lɛ ɖò “LA BIBLE ET VOUS” glɔ nú vǐ lɛ b’ɛ nɔ ylɔ ɖɔ “Deviens l’ami de Jéhovah” (Huzu Xɔ́ntɔn Jehovah Tɔn). Han lɛ, video lɛ kpo azɔ̌ zɔ́n mɛ lɛ kpo ɖò nǔ enɛ lɛ mɛ. A ka ko zán nǔ enɛ lɛ ɖò sinsɛnzɔ́ towe mɛ à? Enyi a ɖò Biblu kplɔ́n xá mɛjitɔ́ ɖé wɛ, bonu é ɖó vǐ ɔ, etɛwu a ma ka na xlɛ́ ɛ ǎ? Enɛ sixu sísɛ́ ɛ bɔ é na kije nǔ ɖevo lɛ ɖò Tɛn Ɛntɛnɛti Tɔn mǐtɔn jí.

Hwenu e nɔví sunnu ɖokpo ɖò Wɛn Axɔsuɖuto ɔ Tɔn 38gɔ́ ɔ má wɛ é ɔ, é xò gò nawe ɖé bɔ kaka có é na dlɛn tlati ɔ d’é lě kpowun ɔ, é jɛ xixa jí. Nawe ɔ ɖó vǐ kpɛví gègě, bɔ vǐ enɛ lɛ jɛ nǔ e ɖò tlati ɔ mɛ é dó ba jí. Nɔví ɔ tinmɛ nǔ e ɖ’emɛ é klewun, bo xlɛ́ adlɛsi jw.org tɔn ɔ ɖò tlati ɔ gudo. Ðó nawe ɔ ɖó jlǒ wutu ɔ, nɔví ɔ zán alokan tɔn dó xò video Kalɛbu tɔn lɛ ɖokpo nú é kpo vǐ tɔn lɛ kpo.

Nɔví nyɔnu ɖé ɖɔ Tɛn Ɛntɛnɛti Tɔn mǐtɔn kpo nǔ e ɖ’eji bo kàn xwédo lɛ é kpo sín xó nú azɔ̌gbɛ́ tɔn e ɖó vǐ kpɛví lɛ é ɖokpo. Nawe ɔ kpo vǐ tɔn lɛ kpo kije nǔ e ɖò Nɔtɛn ɔ jí lɛ é kpɔ́n. Nukɔn mɛ ɔ, é wá ɖɔ nú nɔví nyɔnu mǐtɔn ɖɔ vǐ emitɔn lɛ jɛ xɔhɛnnu xɔhɛnnu gbɔn jí bo nɔ ɖò “Lá Ohó Lọ” jì wɛ. “Huzu Xɔ́ntɔn Jehovah Tɔn” sín han lɛ ɖokpo wɛ.

Blǒ bonu jw.org sín nǔ enɛ ni má we bonu a yí ɖokpo ɖò video lɛ, han lɛ alǒ azɔ̌ zɔ́n mɛ lɛ mɛ dó alokan towe jí. Enɛ gudo ɔ, a na kpéwú bo na zán akpáxwé jw.org tɔn enɛ ɖò sinsɛnzɔ́ towe mɛ. Azɔwanú ɖagbe ɖé wɛ nyí azɔwanú enɛ bo na d’alɔ mǐ bɔ mǐ na sɛ̀n Aklunɔ ɔ.—Mɛ. 20:19.