DƆKUN MAWUXÓ Ɔ TƆN ÐÉ LƐ | NÙNYWƐXÓ 7-11
“Ma Lɔn Bonu Ayi Towe Ni Zɛ Gbě Ó”
Nugbodòdó Jehovah tɔn lɛ sixu cyɔn alɔ mǐ jí. Amɔ̌, cobonu mǐ na ɖu lè yetɔn ɔ, mǐ ɖó na wlan ye dó ayi mǐtɔn mɛ. (Nùx 7:3) Enyi Jehovah sɛntɔ́ ɖé jó ayi tɔn dó bɔ é zɛ gbě ɔ, é nɔ bɔwǔ nú Satáan b’ɛ na zán mɛblɛ́blɛ́ sín wlɛnwín tɔn lɛ dó kpé wǔ tɔn. Nùnywɛxó wemata 7gɔ́ ɔ ɖɔ nyaví e jó ayi tɔn dó b’ɛ flú i é ɖé xó. Etɛ afɔ e é ɖè nyì dò lɛ é ka sixu kplɔ́n mǐ?
Satáan nɔ tɛnkpɔn bo na dɔn mǐ yì zɔ nú Jehovah gbɔn nukún, wutu, ɖɛ̌, awɔntín kpo tó mǐtɔn kpo zinzan gblamɛ bá dɔn mǐ dó nǔnyanyawiwa mɛ
Nùnywɛ kpo nukúnnúmɔjɛnǔmɛ kpo na d’alɔ mǐ bɔ mǐ na mɔ nǔ ɖěɖee nǔnyanyawiwa nɔ hɛn gblé dó mɛ wu lɛ é lobo na nyì alɔ nú nǔ e nɔ kóbá mɛ ɖò gbigbɔ lixo lɛ é