Tɛ́n Kpɔ́n Bo Ðó Jijɔ Mawu Tɔn Lɛ: Mɛɖesɔhwe

NǓ E WU É ÐÒ TAJI É:

• Mɛɖesɔhwe nɔ zɔ́n bɔ è nɔ vɛ́ kpo Jehovah kpo.​—Ðɛ 138:6

• Mɛɖesɔhwe nɔ zɔ́n bɔ è nɔ ɖó kancica ɖagbe xá mɛ ɖevo lɛ.​—Fili 2:3, 4

• Goyiyi nɔ hɛn nǔ gblé dó mɛ wu.​—Nùx 16:18; Eze 28:17

LEE È SIXU BLÓ GBƆN É:

• Ba wěɖexámɛ lobo zán.​—Ðɛ 141:5; Nùx 19:20

• Nɔ sɔ́ jlǒ dó wà azɔ̌ klewun klewun lɛ nú mɛ ɖevo lɛ.​—Mt 20:25-27

• Ma lɔn nú nǔwukpikpé towe lɛ alǒ wǔjɔmɛzɔ́ towe lɛ zɔ́n bonu a huzu goyitɔ́ ó.​—Hlɔ 12:3

KPƆ́N VIDEO NYÌ ALƆ NÚ NǓ ÐĚÐEE NƆ VƆ́DA NÚ GBEJININƆ LƐ É: GOYIYI Ɔ, ENƐ GUDO HǓN, NǍ XÓSIN NÚ NÙKANBYƆ ELƆ LƐ:

• Etɛ lee mǐ yí gbè nú wěɖexámɛ gbɔn é ka nɔ ɖexlɛ́ dó linlin mǐtɔn wu?

• Nɛ̌ ɖɛ ka nɔ d’alɔ mǐ bɔ mǐ nɔ sɔnǔ nú mɛɖesɔhwe gbɔn?

• Ðɔ ali ɖěɖee nu è nɔ ɖè mɛɖesɔhwe xlɛ́ ɖè lɛ é ɖé lɛ.