A ka Ko Sɔnǔ Ð’ayǐ À?

A ka ko sɔnǔ ɖ’ayǐ nú adla e sixu j’ayǐ ɖò xá towe mɛ é à? Ayikúngban sixu dánwǔ, jɔhɔn ɖaxó sixu nyi, gbě sixu jì zo bɔ tɔ̀ sixu gbà mɛ ajijimɛ bo na hɛn nǔ gblé tawun. Gɔ́ na ɔ, wɔ̌nxixogbɛwu, hunnyahunnya tò tɔn lɛ kpo jɛmɛji lɛ kpo sixu hɛn nǔ gblé ɖò fí ɖebǔ ajijimɛ. (Nǔt 9:11, nwt) Mǐ ɖó na nɔ lin ɖɔ nǔ mɔhun lɛ kún na jɛ ɖò fí e mǐ ɖè é gbeɖé ó ǎ.

Mǐ mɛ ɖokpo ɖokpo ɖó na ɖè afɔ tawun tawun ɖé lɛ dó sɔnǔ d’ayǐ nú adla j’ayǐ lɛ. (Nǔx 22:3) Tutoblonunu Jehovah tɔn bló tuto vovo lɛ bo na nɔ hɛn sɔ mɛ ɖò adla j’ayǐ ɖé gudo có, mǐ mɛ ɖokpo ɖokpo ɖó na wà nǔɖe dó sɔnǔ nú mǐɖée.—Ga 6:5.

KPƆ́N VIDEO A KA KO SƆNǓ Ð’AYǏ NÚ ADLA J’AYǏ À? Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Nɛ̌ mǐ ka sixu sɔnǔ ɖ’ayǐ ɖò gbigbɔ lixo nú adla j’ayǐ lɛ gbɔn?

• 

  Etɛwu é ka ɖò taji ɖɔ mǐ ni . . .

  • • nɔ ɖɔ xó xá mɛxo agun tɔn lɛ ganji jɛ nukɔn nú adla j’ayǐ lɛ, ɖò adla j’ayǐ lɛ hwenu kpo adla j’ayǐ lɛ gudo kpo?

  • • sɔnǔ nú sáki ajijimɛnú lɛ tɔn ɖé?—g17.5 6

  • • gbéjé adla j’ayǐ vovo e sixu gbà nǔ lɛ é kpɔ́n bo lɛ́ lin tamɛ dó nǔ e mǐ sixu wà ɖò ninɔmɛ ɖokpo ɖokpo mɛ lɛ é jí?

• 

  Ali atɔn tɛ lɛ nu mǐ ka sixu d’alɔ mɛ ɖěɖee adla j’ayǐ ɖé dɔn wuvɛ̌ wá na lɛ é ɖè?