Mɛ Winnyawinnya lɛ Mi: Mi ka Sɔ́ Jehovah Dó Ðó Xɔ́ntɔn Mitɔn Ðagbe Hugǎn ɔ À?

Jijɔ tɛ lɛ a ka nɔ ba ɖɔ xɔ́ntɔn ɖé ni ɖó? É ɖò wɛn ɖɔ a na ba ɖɔ é ni nɔ nɔ gbeji, nɔ nyɔ́ xomɛ, bo nɔ lɛ́ hun alɔ dó na nǔ mɛ. Jehovah nɔ ɖè jijɔ enɛ lɛ bǐ xlɛ́. (Tí 34:6; Mɛ 14:17) É nɔ ɖótó ɖɛ e a nɔ xò sɛ́dó è lɛ é. É nɔ d’alɔ we hweɖebǔnu e a ɖó hudo tɔn é. (Ðɛ 18:20, 36) É nɔ sɔ́ nǔwanyido towe lɛ kɛ we. (1Jn 1:9) Jehovah wɛ nyí Xɔ́ntɔn ɖagbe hugǎn e mǐ sixu ɖó é!

Nɛ̌ a ka sixu zun xɔ́ntɔn xá Jehovah gbɔn? Nɔ xà Xó tɔn dó kplɔ́n nǔ dó wǔ tɔn. Nɔ ɖɔ xomɛ n’i. (Ðɛ 62:9; 142:3) Nɔ ɖexlɛ́ Jehovah ɖɔ nǔ ɖěɖee xɔ akwɛ n’i lɛ é xɔ akwɛ nú hwi lɔ: Ye wɛ nyí Vǐ tɔn, Axɔ́suɖuto tɔn, kpo akpá e é dó dó sɔgudo wu lɛ é kpo. Nɔ ɖɔ xó nú mɛ ɖevo lɛ dó wǔ tɔn. (Sɛ́ 32:3) Nú a sɔnǔ nú kancica syɛnsyɛn ɖé xá Jehovah ɔ, é na nyí Xɔ́ntɔn towe kaka sɔyi.—Ðɛ 73:25, 26, 28.

KPƆ́N VIDEO MƐ WINNYAWINNYA LƐ MI: ‘MI ÐƆ́ JEHOVAH KPƆ́N BO KPƆ́N LEE É NYƆ́ SƆ́ É’ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Nɛ̌ a ka sixu sɔnǔ nú mɛɖée zízé jó nú Jehovah kpo baptɛm kpo gbɔn?

• 

  Nɛ̌ mɛ ɖevo lɛ ka sixu d’alɔ we ɖò agun ɔ mɛ bɔ a na sɛn Jehovah gbɔn?

• 

  Nɛ̌ sinsɛnzɔ́ ɔ ka nɔ na hlɔnhlɔn kancica e a ɖó xá Jehovah é gbɔn?

• 

  Sinsɛnzɔ́ ɔ sín ali tɛ lɛ ka hun nú we?

• Etɛ a ka yí wǎn na ɖò Jehovah gɔ́n?