Lee Hwɛ Súnsún Sín Kɔ nú Mɛ Zán Ðaxó ɔ Kan We Gbɔn É

16:12-15

Etɛ zalinkpɔ́n e è nɔ zán ɖò Hwɛ Súnsún Sín Kɔ nú Mɛ Zán Ðaxó ɔ Gbè é ka sixu kplɔ́n mǐ?

• Ðɛ e nɔ nyɔ́ nukún Jehovah tɔn mɛ bɔ mɛsɛntɔ́ tɔn gbejinɔtɔ́ lɛ nɔ xò lɛ é nɔ cí zalinkpɔ́n ɖɔhun. (Ðɛ 141:2) Vɔsanúxwlémawutɔ́ ɖaxó ɔ nɔ hɛn zalinkpɔ́n yì Jehovah nukɔn kpo sísí ɖaxó kpo. Mɔ̌ ɖokpo ɔ, enyi mǐ ɖò ɖɛ xò sɛ́dó Jehovah wɛ ɔ, mǐ nɔ wà mɔ̌ kpo sísí ɖaxó kpo

• Cobonu vɔsanúxwlémawutɔ́ ɖaxó ɔ na savɔ̌ lɛ ɔ, é ɖó na dó zalinkpɔ́n ɔ zo hwɛ̌. Mɔ̌ ɖokpo ɔ, cobonu Jezu na sixu sɔ́ gbɛ̀ tɔn dó savɔ̌ bɔ Jehovah na yí gbè na ɔ, é ɖó na setónú nú n’i kpo gbejininɔ kpo hwɛ̌

Nɛ̌ un ka sixu kúdeji ɖɔ Jehovah na yí gbè nú vɔ̌ e un nɔ sá lɛ é gbɔn?