Mɛjitɔ́ lɛ Mi, Mi Kplɔ́n Vǐ Mitɔn lɛ Nǔ E Ye Ðó Na Tuùn É

Mǐ ɖò gbɛ̀ e mɛ gbɛtɔ́ lɛ nɔ sɔ́ nǔ ɖagbe dó mɔ nǔ nyanya, bo nɔ sɔ́ nǔ nyanya dó mɔ nǔ ɖagbe é ɖé mɛ. (Eza 5:20) É blawǔ ɖɔ mɛɖé lɛ nɔ wà nǔ e Jehovah gbɛ́ wǎn na lɛ é. Walɔ blíblí e mɛ e ɖó mɛ̌ ɖokpo ɔ lɛ nɔ zán ɖò yeɖée tɛntin lɛ é ɖò nǔ enɛ lɛ mɛ. Wemaxɔmɛvígbɛ́ alǒ mɛ ɖevo lɛ sixu tɛ́n kpɔ́n bá dɔn mɛ winnyawinnya vívɛ́ mǐtɔn lɛ bonu ye na wà nǔ ye ɖɔhun. Nɛ̌ a ka sixu d’alɔ vǐ towe lɛ bɔ ye na ɖu ɖò mɛtɛnkpɔn enɛ kpo mɔ̌hun ɖevo lɛ kpo jí gbɔn?

Kplɔ́n nǔgbododó Jehovah tɔn lɛ vǐ towe lɛ. (Le 18:3) Nɔ kplɔ́n nǔ e Biblu ɖɔ dó xóɖóxámɛ wu é ye kpɛɖé kpɛɖé. Nǔ e a na ɖɔ nú ye lɛ é ɖó na sɔgbe xá xwè e ɖò ta nú ye é, kpo nǔ e mɛ ye sixu mɔ nukúnnú jɛ é kpo. (Sɛ́ 6:7) Kanbyɔ hwiɖée ɖɔ: ‘Un ka kplɔ́n nǔ vǐ ce lɛ dó nǔ e wanyiyi ɖiɖexlɛ́ e sɔgbe é nyí é, nǔ e wu é ɖò taji ɖɔ è ni sɔnǔ ɖó jlɛ̌ jí é, kpo nǔ e wu mɛ ɖevo lɛ ɖó na ɖó sísí nú mɛ̌ yetɔn é kpo wu à? Vǐ ce lɛ ka tuùn nǔ e ye na wà hwenu e mɛɖé na tɛ́n kpɔ́n bá xlɛ́ ye fɔtóo nǔbliblíwiwa tɔn é, alǒ na byɔ ɖɔ ye ni wà nǔ e Jehovah ɖɔ é nyla é ɖé é à?’ Nǔgbododó Jehovah tɔn lɛ tuùntuùn jɛ nukɔn sixu d’alɔ ye bɔ ye na nyi alɔ nú tagba gegě. (Nǔx 27:12; Nǔt 7:12) Enyi a nɔ kplɔ́n vǐ towe lɛ ɔ, xíxlɛ́ wɛ a ɖè ɖɔ a yí wǎn nú gǔ vívɛ́ e Jehovah na we lɛ é nɛ.—Ðɛ 127:3.

KPƆ́N VIDEO GBǍ XƆ E NA NƆ AYǏ SƆYI É ÐÉ: HWLƐ̌N VǏ TOWE LƐ SÍN “NǓ NYANYA” SÍ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Etɛwu mɛɖé lɛ ka nɔ xò nǔ kpɔ́n dó xó ɖiɖɔ dó xóɖóxámɛ wu xá vǐ yetɔn lɛ?

• 

  Etɛwu mɛjitɔ́ lɛ ka ɖó na nɔ ‘gbɛ́ nǔ nú vǐ yetɔn lɛ, bo kplɔ́n ye lee Jehovah jló gbɔn é’?—Efɛ 6:4

• 

  Etɛ lɛ tutoblonunu Jehovah tɔn ka sɔnǔ na bá dó d’alɔ mɛjitɔ́ lɛ nú ye na nɔ kplɔ́n nǔ vǐ yetɔn lɛ dó xóɖóxámɛ wu?—w19.05 12, gbǎví

• Etɛwu a ka ɖó na nɔ ɖɔ xó ɖó kpɔ́ xá vǐ towe lɛ ɖò gbesisɔmɛ cobɔ tagba syɛnsyɛn lɛ na wá xwetɔ́n?