DƆKUN MAWUXÓ Ɔ TƆN ÐÉ LƐ́

‘Ayi ce ná ɖo jǐ tɔn hwebǐnu’

Jexóva yí tɛ́npli ɔ b’ɛ nyí étɔn (2Ta 7:11, 12)

Jexóva ɖɔ ɖɔ ayi émítɔn ná ɖo tɛ́npli ɔ jí. Énɛ́ ɖo xíxlɛ́ wɛ ɖɔ nǔ e ɖo jijɛ wɛ ɖo fínɛ́ lɛ́ é nɔ ɖu ayi mɛ n’i tawun hwebǐnu (2Ta 7:16; w02 15/11 5 akpá. 1)

Jexóva ɖɔ ényí togun ɔ ma sɔ́ xwedó sɛ́n émítɔn lɛ́ “kpódó ayixa yětɔn bǐ kpó” ǎ ɔ, émí ná jó tɛ́npli ɔ dó bɔ è ná gba hánnyá (2Ta 6:14; 7:19-21; it-2 1048)

Ðiɖe lɛ́: Ali vovo e nu mǐ nɔ sɛn Mawu ɖe lɛ́ é. 1. Nɔví súnnu ɖé ɖo ɖɛ xo wɛ. 2. Nɔví nyɔ̌nu ɖé ɖo xósin ná wɛ ɖo kplé agun tɔn ɖé hwenu. 3. Asú kpó asi kpó ɖé ɖo azɔ̌ wa ɖó kpɔ́ wɛ ɖo sinsɛnzɔ́ ɔ mɛ. 4. Nɔví súnnu ɖé ɖo kpléxɔ Axɔ́súɖuto ɔ tɔn jláɖó wɛ. 5. Nɔví súnnu ɖokpó ɖo nukún kpé dó mawusinsɛn ɖo xwédo mɛ wú wɛ, bɔ asi tɔn kpó vǐ tɔn we lɛ́ kpó ɖo do tɔn mɛ. 6. Nɔví nyɔ̌nu ɖé ɖo Biblu xa wɛ. 7. Nɔví nyɔ̌nu ɖé ɖo nǔníná sɔ́ dó gbǎví nǔníná tɔn mɛ wɛ.

Hwenu e è ɖo tɛ́npli ɔ sɔ́ dó alɔ mɛ nú Jexóva wɛ é ɔ, togun ɔ sixú ko lin ɖɔ émí ná sɛn Jexóva kpó ayi émítɔn bǐ kpó káká sɔ́yi. É blá wǔ ɖɔ kpɛɖé kpɛɖé ɔ, akpakpa e nɔ sɔ́ yě dó Jexóva sinsɛn wú é wá bú bǐ.

KANBYƆ́ HWIÐÉE ÐƆ: ‘Nɛ̌ un ka ɖo xíxlɛ́ wɛ ɖɔ un ɖo Jexóva sɛn wɛ kpó ayi ce bǐ kpó gbɔn?’