KLISÁNWUN GBƐ ZÍNZÁN
Yě nɔ w’azɔ̌ syɛ́nsyɛ́n dó sɛn mǐ
Nukúnkpénǔwútɔ́ lɛ̌dó tɔn lɛ́ kpó asi yětɔn lɛ́ kpó nɔ ɖó wǎnyíyí mɛɖée sɔ́ dó sá vɔ̌ tɔn nú mɛ e yě nɔ sɛn lɛ́ é. Mǐ bǐ ɖɔhun ɔ, yě ɖó hudó yěɖésúnɔ tɔn lɛ́, yě nɔ ɖí xwi xá nǔcikɔ nú mɛ, awakanmɛ kú mɛ kpó linkpɔ́n kpó. (Ja 5:17) É ɖo mɔ̌ có, yě nɔ sɔ́ ayi ɖó wǔsyɛ́n dídó lanmɛ nú nɔví súnnu kpó nɔví nyɔ̌nu kpó e ɖo agun e ba kpɔ́n wɛ yě ɖe é mɛ lɛ́ é jí. Nǔgbó ɔ, é “jɛxá bɔ è ná sú axɔ́ we ɖo bǔ” nukúnkpénǔwútɔ́ lɛ̌dó tɔn lɛ́.—1Ti 5:17.
Hwenu e mɛsɛ́dó Pɔ́lu bló tito bo yí Hlɔ̌ma bá dó “má nǔníná gbigbɔ tɔn ɖé xá” agun e ɖo fínɛ́ é ɔ, é ɖó nukún kpó akpakpa sɔ́ mɛ kpó ɖɔ ‘émí ná ná akɔ́nkpinkpan yě bɔ yě lɔ ná ná akɔ́nkpinkpan émí.’ (Hlɔ̌ 1:11, 12) A ka ko lin tamɛ kpɔ́n dó lěe a sixú dó wǔsyɛ́n lanmɛ nú nukúnkpénǔwútɔ́ lɛ̌dó tɔn towe alǒ é kpó asi tɔn kpó, nú é ko wlí alɔ ɔ nɛ́, gbɔn é jí a?
KPƆ́N VIDEO GBƐZÁN NUKÚNKPÉNǓWÚTƆ́ LƐ̌DÓ TƆN ÐÉ TƆN ÐO GLETOXO ÐÉ MƐ Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:
Ali tɛ́ lɛ́ nu mɔ̌ nukúnkpénǔwútɔ́ lɛ̌dó tɔn lɛ́ kpó asi yětɔn lɛ́ kpó ka nɔ ɖó wǎnyíyí mɛɖée sɔ́ dó sá vɔ̌ tɔn nú agun lɛ́ ɖe?
Nɛ̌ hwiɖésúnɔ ka ko ɖu gǎndídó yětɔn lɛ́ sín le gbɔn?
Nɛ̌ mǐ ka sixú nɔ dó wǔsyɛ́n lanmɛ nú yě gbɔn?