Étɛ́ lɛ́ gbé a ka ná nya ɖo xwe sinsɛnzɔ́ tɔn yɔ̌yɔ́ ɔ mɛ?

Nǔ ɖěbǔ e mǐ w’azɔ̌ syɛ́nsyɛ́n bo kpé wú bo wa bá dó sixú sɛn Jexóva bǐ mlɛ́mlɛ́, lobo hɛn xomɛ tɔn hun é ɖo nǔ gbigbɔ tɔn lɛ́ gbé nyínyá mɛ. Yě nɔ d’alɔ mǐ bɔ mǐ nɔ nyí klisánwun e zin lɛ́ é, bɔ vɔ̌ ɖěbǔ e mǐ sɔ́ hwenu mǐtɔn kpó hlɔ̌nhlɔ́n mǐtɔn kpó dó sá dó takún yětɔn mɛ lɛ́ é nɔ sɔ mɔ̌ kɔ. (1Ti 4:15) Étɛ́wú mǐ ka ɖó ná nɔ gbéjé nǔ e gbé nya wɛ mǐ ɖe lɛ́ é kpɔ́n hwɛhwɛ? Ðó ninɔmɛ lɛ́ nɔ ɖyɔ́. Ninɔmɛ mǐtɔn din tɔn ɔ sixú zɔ́n bɔ nǔ e mǐ sɔ́ ɖó nukɔn nú mǐɖée ɖ’ayǐ bá nya gbě tɔn é ɔ, mǐ sɔ́ sixú kpé wú ǎ. Alǒ mǐ sixú ko kpé énɛ́ wú, bɔ din ɔ, mǐ sixú sɔ́ nǔ ɖěvo ɖó nukɔn nú mǐɖée bá nya gbě tɔn.

É nyɔ́ hú gǎn ɖɔ è ní lin tamɛ dó nǔ e gbé è ná nya lɛ́ é jí jɛ nukɔn cóbónú xwe sinsɛnzɔ́ tɔn yɔ̌yɔ́ ɖé ná bɛ́. Mi ka sixú ɖɔ xó d’é jí ɖo mawusinsɛn ɖo xwédo mɛ hwenu, bo sɔ́ nǔ e mɛɖésúnɔ sixú nya gbě yětɔn lɛ́ é kpó éé xwédo ɔ sixú nya gbě yětɔn lɛ́ é kpó ɖó nukɔn nú miɖée bo nya gbě yětɔn a?

Nǔ tawun tawun tɛ́ lɛ́ gbé a ka sixú nya ɖo nǔ élɔ́ lɛ́ mɛ? Étɛ́ lɛ́ a ka sixú wa bá dó kpé yě wú?