Lěe è ná kplɔ́n nǔ gbɔn é

Nɛ̌ mǐ ka sixú zɔn xúsúxusu xá nukúnnúmɔjɛnǔmɛ yɔ̌yɔ́ e tutoblónúnǔ ɔ ná lɛ́ é gbɔn?

Hwenu e sɔ́ akpakpa mɛ é ɖé nɔ gbɛ ɖe wɛ mǐ ɖe. Jexóva ɖo wěziza tá dó Xó tɔn jí wɛ hú ɖ’ayǐ tɔn. (Dan. 12:4) É ɖo mɔ̌ có, é sixú vɛ́ wǔ nú mǐ bɔ mǐ ná zɔn xúsúxusu xá nukúnnúmɔjɛnǔmɛ yɔ̌yɔ́ e tutoblónúnǔ ɔ ná dó nǔgbó Biblu tɔn lɛ́ wú lɛ́ é. Fítɛ́ mǐ ka sixú mɔ nukúnnúmɔjɛnǔmɛ kpó tínmɛ kpó yɔ̌yɔ́ énɛ́ lɛ́ ɖe?

• Ðo akpáxwé “Éclaircissements doctrinaux” e ɖo Index des publications des Témoins de Jéhovah mɛ é mɛ ɔ, a ná mɔ nukúnnúmɔjɛnǔmɛ yɔ̌yɔ́ e tɔ́n lɛ́ é, bɔ è lɛ́ to yě sɔgbe xá xwe e xwe yě tɔ́n é. Nú a ná mɔ xóta lɛ́ hǔn, wlǎn “éclaircissement doctrinal” (ma ka wɔn bo gɔn zǐzé dó guillemet “” mɛ ó) dó gbǎví nǔbiba tɔn Watchtower Library, alǒ Wěmasɛxwetɛn Ɛntɛnɛ́ti jí tɔn Watchtower^™ tɔn mɛ.

• Xóta ɖé lɛ́ ɖo wěma Anademẹwe Dodinnanu Tọn Na Kunnudetọ Jehovah Tọn Lẹ mɛ. Zǐn “Kunnudetọ Jehovah Tọn Lẹ,” énɛ́ gúdo hǔn, ba xóta “Pọndohlan lẹ po Nuyise lẹ Po,” bo wá ba “Hinhọ́n Titá Do Nuyise Mítọn lẹ Ji.”

Étɛ́wú a ma ka ná bló tuto bo sɔ́ nukúnnúmɔjɛnǔmɛ mǐtɔn e è vɔ́ jlá ɖó agaɖanu din é ɖé, bo tɛ́n kpɔ́n bo tuun mɔjɛmɛ e mǐ wá ɖó d’é wú é kpó hwɛjijɔ jínjɔ́n Biblu jí ɖěɖěe wú è bló hǔzúhúzú énɛ́ é kpó a?