Ba fí ɖagbe e a ná kplɔ́n nǔ ɖe é

A ka ba ɖɔ nǔkplɔ́nkplɔ́n mɛɖésúnɔ tɔn towe ní hɛn le wá nú we d’é jí a? Wěɖexámɛ élɔ́ lɛ́ sixú d’alɔ we bɔ a ná sɔ́ ayi ɖó fí ɖokpó ganjí hwenu e a ɖo nǔ kplɔ́n wɛ é:

• Ba fí e jɛxá é. Tɛ́n kpɔ́n bo ba fí e mɛ́ bo lɛ́ ɖó wěziza ganjí bɔ a ná nɔ bo ná dó sixú xa nǔ é. A sixú jínjɔ́n távo ɖé tó, alǒ a sixú ba fí e jɛxá é ɖé ɖo kɔ́xo.

• Ba fí e a sixú nɔ hwiɖokpó ɖe é. Jezu wá gbeta ɔ kɔn bo xo ɖɛ “zǎnzǎn tɛɛn” ɖo “fí e jɛ zɔ é ɖé.” (Mak. 1:35) Ényí fí e a ná nɔ hwiɖokpó ɖe é ɖé ma ɖe ǎ hǔn, tɛ́n kpɔ́n bónú xwédo towe, alǒ mɛ e kpó hwi kpó ɖo xɔ ɖokpó ɔ mɛ lɛ́ é ní tuun nǔkplɔ́nkplɔ́n towe sín tuto, lobo ɖó sísí ná.

• Sɔ́ ayi towe ɖó fí ɖokpó. Ma lɔn nú nǔ ɖěbǔ ní fɛ́ ayi towe ó. Ényí alǒkan, alǒ tablɛ́ti wɛ a nɔ zán dó kplɔ́n nǔ hǔn, sɔ́ ɖó alɔ e jí é ná nɔ bo ma ná dó tagba nú we ǎ é jí. Gɔ́ ná ɔ, ényí ayi towe yi nǔɖé jí bɔ a lin ɖɔ émí ɖó ná bló hǔn, wlǎn ɖó fí ɖé kléwún bá bló ɖo nukɔnmɛ. Ényí é vɛ́ wǔ nú we bónú a ná sɔ́ ayi towe ɖó fí ɖokpó hǔn, yǐ gbɔjɛ kléwún bo ɖi zɔnlin.