A ka ko kan nǔ élɔ́ lɛ́ byɔ́ hwiɖée kpɔ́n a?

• Mɛ bǐ nɔ ba fífá có, étɛ́wú ahwan ka tíin sɔmɔ̌?

• È ka sixú ɖu vǐví fífá jɔ fífá tɔn ɖo gbɛ e dǎkaxixo gɔ́ é ɖé mɛ a?

• Hweɖénu ka ná wá su bɔ ahwan ná hán a?

Xósin e Biblu ná nú nǔkanbyɔ́ énɛ́ lɛ́ é sixú kpácá we bo ná lɛ́ dó gbɔ nú we.

Étɛ́wú hwiɖésúnɔ ma ka ná gbéjé nǔ e Biblu ɖɔ dó xóta tají énɛ́ wú é kpɔ́n ǎ? Kplɔ́n nǔ d’é jí dó xóta énɛ́ wú ɖo Atɔxwɛ élɔ́ mɛ.