Tú da mɛ ɖo wěmaxɔmɛ: Étɛ́ Biblu ka ɖɔ?

Ðo 24 mai 2022 ɔ, awě baɖabaɖa ɖé xo toxo kpɛví Uvalde tɔn, ɖo Texas, États-Unis. Xójláwéma The New York Times ɖɔ ɖɔ “nya ɖé da tú bo hu wěmaxɔmɛví 19 kpó mɛ̌si we kpó . . . ɖo wěmaxɔmɛ dokɔ tɔn e nɔ nyí Robb Elementary School é.”

É blá wǔ ɖɔ nǔ baɖabaɖa mɔ̌hun lɛ́ nɔ jɛ hwɛhwɛ. Xójláwéma USA Today ɖɔ ɖɔ ɖo États-Unis kɛ́ɖɛ́ ɔ, “azɔn 259 wɛ è da tú mɛ ɖo azɔ̌mɛxwé lɛ́ ɖo xwe e wá yi é mɛ; énɛ́ sukpɔ́ hú xwe ɖě lɛ́ bǐ tɔn sín 1970.”

Étɛ́wú nǔ baɖabaɖa énɛ́ lɛ́ ka nɔ jɛ? Nɛ̌ mǐ ka sixú ɖí xwi xá nǔ baɖabaɖa mɔ̌hun lɛ́ gbɔn? Nukúnɖíɖó ka ɖe ɖɔ dǎkaxixo ná wá vivɔnu gbeɖé a? Biblu ná xósin lɛ́.

Étɛ́wú dǎkaxixo ka fɔ́n bo ɖo jijɛjí wɛ ɖo gbɛ ɔ mɛ?

• Biblu ɖɔ ɖɔ “azǎn gǔdo gúdo tɔn lɛ́” mɛ wɛ mǐ ɖe, bɔ mɛ gěgé ná nɔ “ɖó wǎnyíyí ɖěbǔ ǎ” bo ná nɔ “nylá hun,” tínmɛ tɔn wɛ nyí ɖɔ yě ná nɔ wa alǎnnú bo ná nɔ xo adǎka. Mɛ mɔ̌hun lɛ́ “fɔ́n tɛgbɛ ɔ, yě ná ɖo nǔ nyanya wa d’é jí wɛ.” (2 Timɔtée 3:1-5, 13) Nú a ná ɖó mɔjɛmɛ d’é jí hǔn, xa xóta “La Bible a-​t-​elle prédit la mentalité et la conduite des gens de notre époque?”

Mɛ gěgé nɔ kanbyɔ́ ɖɔ: ‘Étɛ́wú Mawu ma ka nɔ sú ali dó nǔ baɖabaɖa lɛ́, ɖi tú da mɛ ɖo wěmaxɔmɛ, bónú yě ní gɔn jijɛ ǎ?’ Nú a ná mɔ xósin e Biblu ná é hǔn, xa xóta “Pourquoi les innocents souffrent-ils?”

Nɛ̌ mǐ ka sixú ɖí xwi xá nǔ baɖabaɖa mɔ̌hun lɛ́ gbɔn?

• “Nǔ e è ko wlán dó Mawuxówéma ɔ mɛ ɖ’ayǐ xóxó lɛ́ bǐ ɔ, è wlán yě, bo ná dó kplɔ́n nǔ mǐ, bónú mǐ ná ɖó nukún nǔ gbɔn . . . akɔ́nkpinkpan e Mawuxówéma ɔ nɔ ná mǐ ɔ . . . gblamɛ.”—Hlɔ̌manu lɛ́ 15:4.

Nǔgbódodó Biblu tɔn lɛ́ sixú d’alɔ we bɔ a ná ɖí xwi xá dǎkaxixo e tíin ɖo gbɛ élɔ́ mɛ lɛ́ é. Kpɔ́n xójláwéma Réveillez-vous!, éé xóta tɔn nyí “La violence cessera-t-elle un jour? é, bá ɖó mɔjɛmɛ d’é jí.

Nú a ná mɔ lěe mɛjitɔ́ lɛ́ sixú d’alɔ vǐ yětɔn lɛ́, bɔ yě ná ɖí xwi xá xójɛɖoto e nɔ dó xɛsi mɛ lɛ́ é gbɔn é hǔn, xa xóta “Enfants et actualités troublantes.”

Dǎkaxixo ka ná wá vivɔnu gbeɖé a?

• “É ná yí yě sín mɛ e nɔ kpa acɛ gannaganna lɛ́ kpó dǎkaxotɔ́ lɛ́ kpó sí.”—Ðɛhan 72:14.

• “Akɔta ɖě sɔ́ ná tɔ́n ahwan ɖě ǎ; yě ka tlɛ sɔ́ ɖo ahwanfunfun ná kplɔ́n wɛ ǎ. Yě ná sɔ́ hwǐ yětɔn dó tun alǐn ná, bo ná sɔ́ hwǎn yětɔn dó tun gyankpa ná.”—Micée 4:3.

Mawu ná bló nǔ e wú gbɛtɔ́ lɛ́ hwedó é. Axɔ́súɖuto tɔn jǐxwé tɔn ɔ ná sú kún dó nú ahwanfunnú lɛ́ bǐ, bo ná ɖó nǔ dǎkaxixo bǐ nu. Nú a ná kplɔ́n nǔ ɖěvo lɛ́ dó nǔ e Axɔ́súɖuto Mawu tɔn ná wa lɛ́ é wú hǔn, xa xóta “‘Jijọho Na Sudeji’ to Ahọluduta Jiwheyẹwhe Tọn Glọ.”