WĚMASƐXWETƐN ƐNTƐNƐ́TI JÍ TƆN Watchtower tɔn
WĚMASƐXWETƐN ƐNTƐNƐ́TI JÍ TƆN
Watchtower tɔn
Fɔngbe
Á
  • Á
  • á
  • Ǎ
  • ǎ
  • É
  • é
  • È
  • è
  • Ě
  • ě
  • Ɛ́
  • ɛ́
  • Ɛ̌
  • ɛ̌
  • Ó
  • ó
  • Ǒ
  • ǒ
  • Ú
  • ú
  • Ǔ
  • ǔ
  • Í
  • í
  • Ǐ
  • ǐ
  • Ɔ́
  • ɔ́
  • Ɔ̌
  • ɔ̌
  • BIBLU
  • WĚMA LƐ́
  • KPLÉ LƐ́
  • mrt xóta 72
  • Nǔgbó sɔ́ ɖo tají ǎ ka wɛ a?

Video ɖě ko ɖo nǔ e a sɔ́ é jí ǎ.

Ma sin xomɛ ó, nǔɖé jɛ do ɖo nǔ e ba wɛ a ɖe é mɛ.

  • Nǔgbó sɔ́ ɖo tají ǎ ka wɛ a?
  • Xóta ɖěvo lɛ́
  • Xótala lɛ́
  • Xóta mɔ̌hun ɖěvo lɛ́
  • Nǔgbó ka tlɛ tíin lɔ a?
  • Nɛ̌ a ka sixú mɔ nǔgbó ɔ gbɔn?
  • Fítɛ́ adingbanɖíɖó ka bɛ́sín?
  • Étɛ́wú adingbanɖíɖó ka gba kpé sɔmɔ̌ ɖo égbé?
  • Étɛ́wú nǔgbó ka ɖo tají?
  • Étɛ́wú Mawu ka jló ɖɔ má tuun nǔgbó ɔ?
  • Mawu ka ná wá sú kún dó nú adingbanɖíɖó gbe ɖokpó a?
  • ‘Nɔ zán gbɛ ɖo nǔgbó mɛ’
    Atɔxwɛ Ee Ðò Axɔsuɖuto Jehovah Tɔn Jla Wɛ É (Nǔkplɔnkplɔn Tɔn)—2022
  • ‘Un Na Xwedó Nǔgbo Towe Dó Wà Nǔ Na’
    Atɔxwɛ Ee Ðò Axɔsuɖuto Jehovah Tɔn Jla Wɛ É (Nǔkplɔnkplɔn Tɔn)—2018
Xóta ɖěvo lɛ́
mrt xóta 72
Toxóɖɔtɔ́ ɖé ɖo blǒbló wɛ bónú akpakpa ní sɔ́ ahwan wɔ̌búwɔ́bú ɖé ɖo kplé toxóɖiɖɔ tɔn ɖé hwenu.

Nǔgbó sɔ́ ɖo tají ǎ ka wɛ a?

É ka nɔ cí nú we ɖɔ é ɖo wǔ vɛ́ hú gǎn wɛ bɔ è ná tuun nǔgbó ɖó vo nú adingban wɛ a? É cí ɖɔ ɖo égbé ɔ, mɛ lɛ́ nɔ kú dó lěe nǔ nɔ cí nú yě é kpó linlin yěɖésúnɔ tɔn lɛ́ kpó jí hú gǎn nǔ e nyí nǔgbó é kpó xlɛ̌ e jɛ wě lɛ́ é kpó jí ɖɔhun. Mɛ gěgé nɔ lin ɖo gbɛ ɔ mɛ égbé ɖɔ nǔ ɖě kún sɔ́ nyí nǔgbó bo tíin ó.

Linlin énɛ́ nyí nǔ yɔ̌yɔ́ ǎ. Xwe 2000 mɔ̌ ɖíe ɔ, tokpɔngán Pɔ́nsu Pilátu kanbyɔ́ Jezu ɖɔ: “Étɛ́ ka nyí nǔgbó ɔ?” (Jaan 18:38) Pilátu ɖo nukún ɖó xósin wɛ hwenɛ́nu ǎ có, nǔkanbyɔ́ tɔn ka ɖo tají. Xósin e Biblu ná é sixú jɛmɛ nú we, bo lɛ́ d’alɔ we bɔ a ná tuun nǔgbó ɖó vo nú adingban, ɖo égbé e mɔ̌ wiwa nɔ vɛ́ wǔ nú mɛ lɛ́ é.

Nǔgbó ka tlɛ tíin lɔ a?

Ganjí. Biblu nɔ zán xókwín “nǔgbó” dó dó gesí nǔ e ɖó kúnnuɖenú lɛ́ é, gɔ́ nú nǔ e sɔgbe ɖo walɔ ɖagbe linu lɛ́ é. Biblu kplɔ́n mɛ ɖɔ Jexóvaa Mawu wɛ nyí jɔtɛn nǔgbó e nǔ bǐ vɔ ɖ’é wú é tɔn, bo ylɔ́ ɛ ɖɔ “Mawu nǔgbóɖɔtɔ́.” (Ðɛhan 31:5, nwt) Nǔgbó e gosín Mawu gɔ́n é wɛ ɖo Biblu mɛ, bɔ è sɔ́ jlɛ́ dó wěziza wú, ɖó é sixú xlɛ́ ali mǐ ɖo gbɛ égbé tɔn e wlú bǐ é mɛ.—Ðɛhan 43:3; Jaan 17:17.

Nɛ̌ a ka sixú mɔ nǔgbó ɔ gbɔn?

Mawu jló ɖɔ mǐ ní yí gbe nú nǔgbó e ɖo Biblu ɔ mɛ é mɔ̌tɔn mɔ̌tɔn kpowun ǎ. É nyɔ́ wa ɔ, é dó wǔsyɛ́n lanmɛ nú mǐ ɖɔ, mǐ ní gbéjé Biblu ɔ kpɔ́n, gbɔn nǔwúkpíkpé tamɛ linlin tɔn mǐtɔn zínzán gblamɛ, é ní ma nyí gbɔn lěe nǔ nɔ cí nú mǐ é wú gíngánjɛ gblamɛ ó. (Hlɔ̌manu lɛ́ 12:1) É jló ɖɔ mǐ ní kplɔ́n bo tuun émí, lobo lɛ́ yí wǎn nú émí kpó “linlin [mǐtɔn] bǐ” kpó; é lɛ́ dó wǔsyɛ́n lanmɛ nú mǐ ɖɔ mǐ ní nɔ gbéjé kpɔ́n ɖɔ nǔ e mǐ kplɔ́n ɖo Biblu mɛ lɛ́ é nyí nǔgbó a jí.—Matíe 22:37, 38; Mɛsɛ́dó 17:11.

Fítɛ́ adingbanɖíɖó ka bɛ́sín?

Biblu ɖɔ ɖɔ adingbanɖíɖó bɛ́sín kɛntɔ́ Mawu tɔn Satáan Awǒvi jí. Biblu ɖɔ ɖɔ é wɛ “dó adingban wá.” (Jaan 8:44) É ɖó adingban nú gbɛtɔ́ nukɔntɔn lɛ́ dó Mawu wú. (Bǐbɛ́mɛ 3:1-6, 13, 17-19; 5:5) Sín hwenɛ́nu ɔ, Satáan kpo ɖo adingban fúnfún kpé wɛ, bo lɛ́ ɖo nǔgbó e kunkplá Mawu é hwlá dó mɛ lɛ́ wɛ.—Nǔɖexlɛ́mɛ 12:9.

Étɛ́wú adingbanɖíɖó ka gba kpé sɔmɔ̌ ɖo égbé?

Satáan ɖo gbɛtɔ́ lɛ́ blɛ́ wɛ hú gǎn ɖo hwe mǐtɔn nu e Biblu ylɔ́ ɖɔ “azǎn gǔdo gúdo tɔn lɛ́” é. Mɛ lɛ́ nɔ ɖó adingban bo ná dó flú mɛ ɖěvo lɛ́, lobo xo yě ɖu. (2 Timɔtée 3:1, 13) Adingban lɛ́vɔ́ gɔ́ sinsɛn gěgé mɛ ɖo égbé. Lěe Biblu ɖɔ ɖ’ayǐ dó hwenu mǐtɔn wú gbɔn é ɔ, gbɛtɔ́ lɛ́ “nɔ kplé nǔkplɔ́nmɛtɔ́ lɛ́ lɛ́ lɛ̌ dó yěɖée, bónú yě ná nɔ ɖɔ xó víví dó tó mɛ nú yě,” bɔ yě nɔ wá gbeta ɔ kɔn ɖɔ ‘émí kún ná ɖótó nǔgbó ɔ ó.’—2 Timɔtée 4:3, 4.

Nukɔntɔ́ sinsɛn tɔn ɖé hɛn Biblu alɔ mɛ bo ɖo xó ɖɔ wɛ, bɔ tóɖóetɔ́ lɛ́ ɖo alɔ xo n’i wɛ.

Étɛ́wú nǔgbó ka ɖo tají?

Nǔgbó ɖo tají cóbɔ gbɛtɔ́ lɛ́ ná ɖeji dó yěɖée lɛ́ wú. Jiɖiɖe mɛvo ɔ, xɔ́ntɔn zunzun kpó kancícá e ɖo gbɛtɔ́ lɛ́ tɛ́ntin é kpó nɔ lí dǒ ǎ. Biblu ɖɔ ɖɔ Mawu jló ɖɔ sɛn e mǐ nɔ sɛn émí é ní jínjɔ́n nǔgbó jí. É ɖɔ: “Mɛ ɖěɖěe ɖo sinsɛn ɛ wɛ lɛ́ é ɖó ná sɛn ɛ ɖo gbigbɔ kpó nǔgbó kpó mɛ.” (Jaan 4:24) Nú a jló ná kplɔ́n nǔ dó lěe nǔgbó e ɖo Biblu mɛ é sixú d’alɔ we bɔ a ná tuun adingban sinsɛn tɔn lɛ́, bɔ yě ma sɔ́ ná ɖó acɛ dó gbɛzán towe jí ɖě ǎ é hǔn, xa xóta ɖěbɔdóɖěwú “Des mensonges qui empêchent d’aimer Dieu.”

Étɛ́wú Mawu ka jló ɖɔ má tuun nǔgbó ɔ?

Mawu jló ɖɔ a ní mɔ hwlɛngán, bɔ a ka ɖó ná kplɔ́n nǔgbó ɔ dó wǔ tɔn cóbɔ nǔ ná nyí mɔ̌. (1 Timɔtée 2:4) Ényí a kplɔ́n nǔgbódodó Mawu tɔn e kunkplá nǔ ɖagbe kpó nǔ nyanya kpó lɛ́ é, bo nɔ zán gbɛ sɔgbe xá ɔ, a ná zun xɔ́ntɔn vívɛ́ xá ɛ. (Ðɛhan 15:1, 2) Mawu sɛ́ Jezu dó ayǐkúngban jí bo ná dó d’alɔ gbɛtɔ́ lɛ́ bɔ yě ná kplɔ́n nǔgbó ɔ. Mawu jló ɖɔ mǐ ní nɔ ɖótó nǔkplɔ́nmɛ Jezu tɔn lɛ́.—Matíe 17:5; Jaan 18:37.

Mawu ka ná wá sú kún dó nú adingbanɖíɖó gbe ɖokpó a?

Ganjí. Nú è ɖó adingban nú mɛ ɖěvo lɛ́ dó xo yě ɖu ɔ, é nɔ vɛ́ mɔ nú Mawu. É d’akpá ɖɔ émí ná sú mɛ ɖěɖěe kán ɖ’é jí bo nɔ ɖo adingban ɖó wɛ lɛ́ é sín kún dó sín ayǐkúngban ɔ jí. (Ðɛhan 5:6) Ényí Mawu wa mɔ̌ ɔ, é ná lɛ́ bló bɔ akpá tɔn élɔ́ ná jɛnu: “Xó e nyí xó nǔgbó ɔ nɔ ɖo te tɛgbɛ.”—Nǔnywɛ́xó 12:19.

Wěmafɔ Biblu tɔn e ɖɔ xó dó nǔgbó kpó adingban kpó wú é ɖé lɛ́

Jaan 8:44: “[Awǒvi ɔ,] adingbannɔ wɛ n’i, bɔ é wɛ lɛ́ dó adingban wá.”

Tínmɛ tɔn: Satáan Awǒvi wɛ ɖó adingban nukɔntɔn ɔ, bɔ é wɛ lɛ́ nyí jɔtɛn adingban alɔkpa lɛ́ bǐ tɔn.

Nǔnywɛ́xó 12:22: “[Jexóva] mɔ adingbannɔ ɔ, é nɔ vɛ́ mɔ n’i.”

Tínmɛ tɔn: Mɛ ɖěɖěe yí wǎn nú Mawu lɛ́ é ɖó ná gbɛ́ wǎn nú adingban lě do é lɔ gbɛ́ wǎn ná sɔ é.

Jaan 4:24: “Mɛ ɖěɖěe ɖo [Mawu sɛn] wɛ lɛ́ é ɖó ná sɛn ɛ ɖo gbigbɔ kpó nǔgbó kpó mɛ.”

Tínmɛ tɔn: Mawu jló ɖɔ mǐ ní sɛn émí sɔgbe xá nǔgbó e mǐ kplɔ́n dó émí wú é.

Jaan 8:32: “Nǔgbó ɔ ná tún kan nú mi.”

Tínmɛ tɔn: Nǔgbó e Jezu kplɔ́n mǐ é sixú ɖe mǐ sín manywɛ́ mɛ ninɔ, xɛxó lɛ́, adingban sinsɛn tɔn lɛ́ kpó nǔ ɖěvo lɛ́ kpó sín kannu. Kpɔ́n xóta “‘La vérité vous libérera’: Comment?”

1 Timɔtée 2:4: “Jlǒ [Mawu] tɔn wɛ nyí ɖɔ mɛ alɔkpa lɛ́ bǐ ní mɔ hwlɛngán, bo lɛ́ ɖó nukúnnúmɔjɛnǔmɛ e sɔgbe é dó nǔgbó ɔ wú.”

Tínmɛ tɔn: Mawu jló ɖɔ mǐ ní mɔ hwlɛngán gbɔn nǔgbó ɔ kplɔ́nkplɔ́n dó wǔtu tɔn gblamɛ.

a Nyǐkɔ Mawu tɔn wɛ nɔ nyí Jexóva. (Ðɛhan 83:18, nwt) Kpɔ́n xóta “Mɛ̌ ka nyí Jexóva?”

    Fon Publications | (2008-2025)
    Sú kɔ́ntu towe
    Hun kɔ́ntu towe
    • Fɔngbe
    • Sɛ́ dó mɛɖé
    • Nǔjlómɛ lɛ́
    • Copyright © 2025 Watch Tower Bible and Tract Society of Pennsylvania
    • Sɛ́n e ɖɔ nǔ dó zǐnzán tɔn nu lɛ́ é
    • Sɛ́n nǔ e kan mɛɖésúnɔ lɛ́ é tɔn lɛ́
    • Paramètres de confidentialité
    • JW.ORG
    • Hun kɔ́ntu towe
    Sɛ́ dó mɛɖé