Nǔ e Axɔ́súɖuto Mawu tɔn ná wa ɖo ahwanfunfun linu é

Ahwan kpo ɖo nǔ hɛn gblé wɛ tawun gbɔn gbɛ ɔ bǐ mɛ, bo lɛ́ ɖo wǔvɛ́ gěgé dɔn wá wɛ. Ðǒ ayi gbeɖíɖó élɔ́ lɛ́ wú:

• “Mɛ nabí e kú ɖó ahwan wú, ɖo tají ɔ, ɖo Etiopíi kpó Ukraine kpó ɖo xwe e wá yi é mɛ é sín kɛ́n hú gǎn mɛ nabí e kú ɖó ahwan wú ɖo xwe ɖěvo ɖěbǔ mɛ sín 1994 ɖo to énɛ́ lɛ́ mɛ é.”—Institut de recherche sur la paix à Oslo, 7 juin 2023.

• “Hunnyahunnya e wá syɛ́n d’é jí ɖo 2022 é ɖokpó kpowun wɛ ahwan Ukraine tɔn nyí. Ðo xwe e wá yi é mɛ ɔ, alǎnnúwiwa ɖo toxóɖiɖɔ linu jɛjí 27 ɖo 100 jí, bɔ è lin ɖɔ gbɛtɔ́ lǐva 1 bɔ lǐvi 700 ɖ’é jí wú wɛ é wa nǔ dó.”—Armed Conflict Location & Event Data Project (ACLED), 8 février 2023.

Biblu ná mɛ nukúnɖíɖó. É ɖɔ ɖɔ “Mawu sɛ́xwé tɔn ná ɖe axɔ́súɖuto e mɛɖé ma sixú gba ǎ é ɖokpó tɔ́n.” (Daniyɛ́li 2:44) Ðo Axɔ́súɖuto alǒ acɛkpikpa énɛ́ glɔ́ ɔ, Mawu ná “sú ahwan kún dó gbɔn gbɛ ɔ bǐ mɛ.”—Ðɛhan 46:10.