Mɛɖokpónɔ ninɔ fɔ́n bo ɖo gbigbakpé wɛ: Étɛ́ Biblu ka ɖɔ?

Sɔgbe kpó do e è ba nú nǔ agaɖanu ɖo akpáxwé gbɛ ɔ tɔn vovo lɛ́ é kpó ɔ,a ɖibla nyí mɛ ɖokpó ɖo mɛ ɛnɛ jí wɛ nɔ mɔ ɖɔ émí ɖo émíɖokpónɔ.

• “Mɛ ɖěbǔ, éé ɖó xwe ɖěbǔ, bo nɔ nɔ fí ɖěbǔ é sixú jɛ xɔ́ntɔn zunzun xá mɛ ɖěvo lɛ́ sín do.”—Chido Mpemba, coprésidente de la Commission sur le lien social de l’Organisation mondiale de la santé.

Mɛɖé lɛ́ nɔ lin ɖɔ mɛxómɔ lɛ́ alǒ mɛ e ɖo yěɖokpó lɛ́ é kɛ́ɖɛ́ wɛ mɛɖokpónɔ ninɔ nɔ dó ya ná. Amɔ̌, mɛ wínnyáwínnyá lɛ́, mɛ e sín lanmɛ ɖo ganjí lɛ́ é, mɛ e ɖó nukɔnyiyi ɖo gbɛ ɔ mɛ lɛ́ é, kpó mɛ e wlí alɔ lɛ́ é kpó lɔmɔ̌ sixú nɔ mɔ ɖɔ émí ɖo émíɖokpónɔ. Kancícá ma ɖó xá mɛ ɖěvo lɛ́ kpó mimɔ ɖɔ è ɖo mɛɖokpónɔ kpó sixú hɛn nǔ gblé dó mɛ wú ɖo agbaza kpó lěe nǔ nɔ cí mɛ é kpó linu.

• Dotóogán Vivek Murthy, éé xwe aza nú lanmɛ ná nɔ ganjí xó ɖo États-Unis é ɖɔ: “Mimɔ ɖɔ è ɖo mɛɖokpónɔ ɔ, é nyí è mɔ ɖɔ è kún ɖo ganjí ɖo lanmɛ ó sín xó kpowun ǎ. Lěe sigáa 15 nunu gbe ɖokpó nɔ hu mɛ gbɔn é wɛ é lɔ nɔ hu mɛ gbɔn.”

Nǔ e Biblu ɖɔ é

Gbɛɖótɔ́ mǐtɔn ba ɖɔ mǐ ní nɔ nɔ mǐɖokpónɔ ǎ. Linlin e Mawu ɖó nú gbɛtɔ́ lɛ́ hwebǐnu é wɛ nyí ɖɔ yě ní nɔ nɔ kpɔ́ xá yěɖée lɛ́ bo nɔ ɖu vǐví xɔ́ntɔn zunzun e jɛmɛ nú yě lɛ́ é tɔn.

• Nǔgbódodó Biblu tɔn: “Mawu mavɔmavɔ ɖɔ: ‘É nyɔ́ bónú gbɛtɔ́ ná nɔ éɖokpónɔ ǎ.’”—Bǐbɛ́mɛ 2:18.

Mawu ba ɖɔ mǐ ní zun xɔ́ntɔn xá émí. É d’akpá ɖɔ ényí mǐ tɛ́n kpɔ́n bo ná sɛkpɔ́ émí ɔ, émí ná sɛkpɔ́ mǐ.—Jaki 4:8.

• Nǔgbódodó Biblu tɔn: “Awǎjijɛnɔ wɛ nyí mɛ e tuun ɖɔ émí ɖó hudó Mawu tɔn lɛ́ é, ɖó yětɔn wɛ nyí Axɔ́súɖuto jǐxwé tɔn.”—Matíe 5:3.

Mawu ba ɖɔ mǐ kpó mɛ ɖěvo lɛ́ kpó ní nɔ kpɔ́ bo sɛn émí. Mɔ̌ blóbló nɔ zɔ́n bɔ mǐ nɔ ɖó awǎjijɛ hú gǎn.

• Nǔgbódodó Biblu tɔn: “Mi nú nǔ mǐɖée lɛ́ tɔn ní nɔ ɖu ayi mɛ nú mǐ, bónú mǐ ná dó flɔ́ wǎnyíyí kpó azɔ̌ ɖagbe wiwa kpó sín zo dó lanmɛ nú mǐɖée lɛ́. Mǐ ní ma nɔ gɔn kplé mǐtɔn lɛ́ . . . ó, é nyɔ́ wa ɔ, mǐ ní nɔ dó wǔsyɛ́n lanmɛ nú mǐɖée lɛ́.”—Eblée lɛ́ 10:24, 25, nwt.

Nú a ná ɖó mɔjɛmɛ ɖěvo lɛ́ dó nǔ e wú é ɖo tají ɖɔ è ní tɛ́n kpɔ́n bo nyi alɔ nú mɛɖokpónɔ ninɔ é wú hǔn, xa xóta “Linlin è ɖo mɛɖokpónɔ tɔn fɔ́n bo ɖo gbigbakpé wɛ: Nɛ̌ a ka sixú ɖí xwi xá gbɔn?.”