Ezayíi

É ɖó ninɔmɛ e xɔ susu é ɖě ǎ, mɔ̌ jɛ́n é ma lɛ́ nyɔ́ ɖɛkpɛ ǎ é nɛ́;

bɔ ényí mǐ mɔ ɛ ɔ, lěe é cí ɖo wěxo é nɔ dɔn mǐ sɛkpɔ́ ɛ ǎ.*

 3 È gbɛ́ wǎn n’i, bɔ gbɛtɔ́ lɛ́ nɔ hɔn n’i,

nya énɛ́ ɖó ná se wǔvɛ́* bo tuun nǔ e azɔn nyí é.

 4 Nǔgbó ɔ, éɖésúnɔ mɛtún ɔ dó kɔ azɔn mǐtɔn lɛ́ mɛ,

bo hɛn wǔvɛ́ mǐtɔn lɛ́.

 5 Loɔ, è sɔ́ hwǎn ɛ, ɖó hwɛ mǐtɔn lɛ́ wú;

è nyínyɛ́ ɛ, ɖó nǔwanyido mǐtɔn lɛ́ wú.

È dɔn tó n’i nú fífá mǐtɔn,

bɔ akpa tɔn lɛ́ zɔ́n bɔ azɔn mǐtɔn gbɔ.

 6 Mǐ bǐ wɛ ɖo flúflú wɛ lɛ̌ngbɔ́ ɖɔhun,

mɛ ɖokpó ɖokpó wlí ali éɖésúnɔ tɔn,

bɔ Jexóva bló bɔ nǔwanyido mǐ mɛ bǐ tɔn flí jɛ ta n’i.

 7 È dó ya n’i syɛ́nsyɛ́n, bɔ é yí gbe bo se wǔvɛ́,

amɔ̌, é kɛ nu ǎ.

È kplá ɛ lɛ̌ngbɔ́ e xwe lanhutɛn é ɖɔhun,

é cí lɛ̌ngbɔ́ e cí xwíí ɖo fúnkpatɔ́ tɔn lɛ́ nukɔn é ɖɔhun,

é kɛ nu ǎ.

 8 Ðó yadónúmɛ kpó hwɛagɔɖiɖɔ kpó wútu ɔ, è ɖe è síin;

bɔ mɛ̌ ka ná sɔ́ ayi ɖó gǒflɛ́mɛ e kunkplá jijimɛ tɔn é wú?*

Ðó è ko ɖe è sín mɛ e ɖo gbɛ lɛ́ é mɛ;

nǔwanyido togun ce tɔn wú wɛ è xo è.*

 9 É wa nǔ ɖě nyi do ǎ,*

mɛblɛ́blɛ́xó ɖě ka ɖo nu tɔn mɛ ǎ có,

è ná ɛ yɔdo* ɖó mɛdídá lɛ́ kpá,

bɔ ɖo kú tɔn gúdo ɔ, è ɖi i ɖó kpɔ́ xá dɔkunnɔ lɛ́.*

Ényí a xwlé gbɛ* tɔn nǔwanyido sín vɔ̌ ɖɔhun ɔ,

é ná mɔ kúnkan* tɔn, é ná dó azǎn azǎn tɔn lɛ́ jí,

bɔ nǔ e nɔ dó xomɛhunhun nú Jexóva é* ná jɛnu gbɔn jǐ tɔn.

Mɛsɛntɔ́ ce nǔjlɔ́jlɔ́watɔ́ ɔ ná bló

bɔ mɛ gěgé ná húzú nǔjlɔ́jlɔ́watɔ́ gbɔn nǔtuuntuun tɔn gblamɛ,

bɔ é ná hɛn nǔwanyido yětɔn lɛ́ sín agban.

12 Ðó hwɛjijɔ énɛ́ wú ɔ, un ná ɛ kanta ɖé ɖo mɛ gěgé tɛ́ntin,

bɔ é ná má nǔ e è bɛ́ ɖo ahwangbénu lɛ́ é xá mɛ hlɔ̌nhlɔ́nnɔ ɔ,

ɖó é sɔ́ gbɛ tɔn jó,*

bɔ è xa ɛ dó sɛ́ngbatɔ́ lɛ́ mɛ;

é dó kɔ hwɛ mɛ gěgé tɔn mɛ,

bo sa vo dó sɛ́ngbatɔ́ lɛ́ tamɛ.