Jezu ɖɔ: “Nǔ nyɔ́ nú mɛ e nyí wamamɔnɔ ɖò ayi mɛ lɛ [alǒ, ‘mɛ ɖěɖee tuùn ɖɔ emi ɖó hudo nǔ gbigbɔ tɔn lɛ tɔn é,’ NW], ɖó yetɔn wɛ nyí axɔsuɖuto [jixwé] tɔn. Nǔ nyɔ́ nú mɛ e ɖò aluwɛ mɛ lɛ, ɖó è na dó gbɔ nú ye. . . . Nǔ nyɔ́ nú mɛ e nǔjlɔjlɔwiwa sín xovɛ nɔ sìn, bɔ kɔ tɔn nɔ xú ye lɛ é; ɖó ye na gɔ́xò. . . . Nǔ nyɔ́ nú mɛ e doya na wɛ è ɖè, ɖó ye ɖò nǔ jlɔjlɔ wà wɛ wu lɛ, ɖó yetɔn wɛ nyí axɔsuɖuto [jixwé] tɔn. Nǔ nyɔ́ nú mi, hwenu e è wá ɖò mi zun wɛ, bo ɖò mi ɖè dó wɛ, bo ɖò nùvú bǐ ɖó dó mi nu wɛ, ɖó nyɛ wutu é. Mi j’awǎ, bo hun xomɛ.”​—Matie 5:3-12.

Jezu ɖɔ ɖɔ mɛ ɖěɖee tuùn ɖɔ emi ɖó hudo nǔ gbigbɔ tɔn lɛ tɔn, bɔ ninɔmɛ hwɛhuhu tɔn yetɔn kú wǔ nú ye, lobɔ ye wá tuùn Mawu bo sɛ̀n ɛ lɛ é wɛ nyí nyɔnanɔ nugbǒ lɛ. Enyi è na bo tlɛ gbɛ́ wǎn nú ye alǒ nɔ doya nú ye, ɖó jlǒ Mawu tɔn wiwa wu ɔ, nǔ nɔ nyɔ́ nú ye, ɖó ye tuùn ɖɔ emi ɖò xomɛ Mawu tɔn hɛn hun wɛ, bɔ é na sɔ́ gbɛ̀ mavɔmavɔ dó d’ajɔ emi.