Tuto Gbexosin-Alijitɔ́ Hwebǐnu Tɔn Nyínyí Tɔn Lɛ

Gbexosin-alijitɔ́ hwebǐnu tɔn nyínyí nɔ byɔ tuto ɖagbe ɖé ɖiɖó. Enyi a nɔ ɖ’alɔ ɖò sinsɛnzɔ́ ɔ mɛ nú ganxixo 18 ɖò aklunɔzán gbla ɖokpo ɖokpo mɛ ɔ, a hɛn ɔ a na nyí gbexosin-alijitɔ́, bo ka na lɛ́ mɔ táan dó gbɔjɛ na fɛɛ! Tuto mɔhun tlɛ nɔ bɔ mɛ ɖò nǔjanmɛ maɖónukún tɔn ɖé lɛ hwenu, vlafo ɖó azɔn alǒ ninɔmɛ ayǐ mɛ tɔn e ma nyɔ́ ǎ é wu. Wɛnjlatɔ́ e nɔ w’azɔ̌ nú hwenu klewun ɖé lɛ é, ee nɔ w’azɔ̌ hwebǐnu lɛ é, ee sín lanmɛ ma nɔ lɔn nǔ nú ye ǎ lɛ é alǒ ee ma sɔ́ ɖó hlɔnhlɔn sɔmɔ̌ ǎ lɛ é sixu mɔ wlɛnwín e ye na zán lɛ é ɖò gbàví e ɖò dò é mɛ. Mi sixu bló huzuhuzu ɖé lɛ, bɔ vlafo mɛɖé na ɖò xwédo ɔ mɛ bo na huzu gbexosin-alijitɔ́ bɛ́sín Zǒsun e ja é mɛ. Etɛwu mi ma ka na ɖɔ xó d’eji ɖò sinsɛn-biblo xwédo tɔn mitɔn e ja é hwenu ǎ?