Ba Mɛ E Jɛxa lɛ É Mɔ

1. Jezu kplɔ́n mǐ lee mǐ na jla wɛn ɔ gbɔn,

Bo na lɛ́ kplɔ́n nǔ mɛ gbɔn é:

‘Ba mɛ ɖěɖee jɛxa bo na sè lɛ é,

Mɛ e gbigbɔnú lɛ hudo é.

Dǒ gbè xwétɔ́ ɔ lobo byɔ fífá n’i,

Fífá towe sixu jɛxa ɛ.

Nú é ka gbɛ́ alǒ lɛkɔ nú we hǔn,

Xúxú afɔkɔ́ t’we bo lɛkɔ.’

2. Mɛ e yí we lɛ é ko yí Jezu lɔ,

Ayi yetɔn hun hǔn, kplɔ́n ye.

Ninɔmɛ yetɔn jɛxa gbɛ̀ mavɔ ɔ,

É na zɔ́n ye na sɛ̀n Jah xá mǐ.

Ma nɔ lin nǔ e a na ɖɔ é kpɔ́n ó,

Jah na sɔ́ xó ɔ d’ayi t’we mɛ.

Nú xósin t’we nyɔ́ sè bonu jɛ kpé ɔ,

É na dɔn mɛɖesɔhwetɔ́ lɛ.