NǓKPƆ́NNÚMƐ 2

Wlɛnwín Xóɖɔɖókpɔ́ Xá Mɛ Tɔn

2 Kɔlɛntinu lɛ 2:17

SIN SƐ̀ XWÈ NA: Ðɔ xó tlɔlɔ ɖò jɔwamɔ linu, bonu é ni xlɛ́ lee nǔ cí nú we dó xóta ɔ kpo tóɖówetɔ́ lɛ kpo wu é.

Xoɖɛ bo sɔnǔ ɖ’ayǐ tɛnwin lɛnwin. Xoɖɛ bo byɔ alɔdó bo na dó sixu sɔ́ ayi ɖó wɛn towe jí, ni ma nyí ɖó hwiɖesunɔ jí ó. Mɔ nǔ jɛ nǔ taji ɖěɖee jí a ɖó na ɖɔ xó dó lɛ é wu céɖécéɖé. Ðɔ linlin lɛ ɖò xógbe hwiɖesunɔ tɔn mɛ; ma vɔ́ xókwín e ɖò wema ɔ mɛ lɛ é ɖɔ ɖebɔdoɖewu kpowun ó.

Enyi a bló tuto bo na xà wemafɔ ɖé ɖò Biblu mɛ alǒ akpáxwé ɖé ɖò wema ɖé mɛ hǔn, kplɔ́n fí ɔ ganji, bonu nǔxixa towe na mɔ tɛn dó ɖiɖí. Enyi gbɛtɔ́ lɛ ɖɔ xó ɖò fí ɔ hǔn, ɖè lee nǔ cí nú ye é tɔ́n ɖò nǔxixa towe mɛ, ma ka vlɛ́ manahɛn ó.
Ðɔ xó sín ayi mɛ. Lin tamɛ dó nǔ e wu tóɖówetɔ́ lɛ ɖó na sè wɛn ɔ é jí. Sɔ́ ayi ɖó jǐ yetɔn. Enɛ ɔ, teninɔ towe, alɔ blobló towe, kpo nukúnmɛ towe sín xlɛ̌ lɛ kpo na nyí mɛblɛblɛ́ tɔn ǎ, bo na lɛ́ ɖè xomɛnyínyɔ́ xlɛ́.

Xó ɖiɖɔ ɖò jɔwamɔ linu nyí xó ɖiɖɔ kpo yamakénúnǔ kpo ǎ. Ðɔ xó nyi wɛn ɖò alixo e sɔgbe é mɛ, bonu wɛn towe na kpó ɖò nǔjɔnǔ nyí wɛ.
Kpɔ́n tóɖówetɔ́ lɛ. Nɔ kpɔ́n nukún jí nú mɛ ɖò fí e mɔ̌ biblo ma nyla ɖè ǎ lɛ é. Enyi a ɖò xóɖiɖɔ ɖé xwlé mɛ wɛ hǔn, nɔ kpɔ́n kpléwatɔ́ lɛ ɖokpo ɖokpo hweɖelɛnu, é nyɔ́ hú ɖɔ a ni kpɔ́n mɛ lɛ bǐ ɖó kpɔ́ alǒ nyi nukún gbɔn ye jí.