Jehovah Nɔ Cyɔn Alɔ Togun Tɔn Jí

Nǔwiwa manawɔn ɖé wɛ Dindinwayixwe nukɔntɔn ɔ nyí. Ðò zǎn enɛ mɛ, ee Falawɔ́ɔn mɔ ɖɔ nukɔngbeví emitɔn kú gudo é ɔ, é ɖɔ nú Mɔyizi ɖɔ: “Mi sɔnǔ bo gosin tò ce mɛ; mi kpo Izlayɛli-ví lɛ kpo ni yì. Mi yì sɛn Mawu Mavɔmavɔ lee mi ɖɔ gbɔn é.” (Tí 12:31) Jehovah ɖexlɛ́ ɖɔ emi nɔ cyɔn alɔ togun emitɔn jí.

Togun Jehovah tɔn sín tan hwe mǐtɔn nu tɔn ɖexlɛ́ nyi wɛn ɖɔ Jehovah kpò ɖò ali xlɛ́ togun tɔn wɛ, bo kpò ɖò alɔ cyɔn jǐ tɔn wɛ. Nǔsɛxwetɛn e ɖò hɔ̌nkan gbɛ̀ ɔ tɔn mǐtɔn bɔ xóta tɔn nyí “Togun ɖé nú Nyikɔ Jehovah Tɔn” é tɛɖɛ̌ enɛ jí.

KPƆ́N VIDEO SAÐIÐI GBƆN NǓSƐXWETƐN WARWICK TƆN: “TOGUN ÐÉ NÚ NYIKƆ JEHOVAH TƆN” Ɔ, ENƐ GUDO HǓN, NǍ XÓSIN NÚ NǓKANBYƆ E BƆ D’EWU LƐ É:

• 

  Wlɛnwín yɔyɔ̌ tɛ Biblu Kplɔntɔ́ lɛ ka jɛ zinzan jí bɛ́sín 1914 bá dó hɛn nǔ e mɛ lɛ ɖi nú Biblu é lidǒ? Lè tɛ enɛ ka hɛn wá?

• 

  Mɛtɛnkpɔn nǔɖiɖi tɔn tɛ lɛ ye ka mɔ ɖò 1916 kpo 1918 kpo? Etɛ ka xlɛ́ nyi wɛn ɖɔ Jehovah ɖò ali xlɛ́ tutoblonunu ɔ wɛ hwenɛnu?

• 

  Mɛ ɖevo lɛ klán gbè xá togun Jehovah tɔn có, nɛ̌ ye ka gbí dɔn bo ɖè nǔɖiɖi xlɛ́ gbɔn?

• 

  Nukúnnúmɔjɛnǔmɛ yɔyɔ̌ tɛ togun Jehovah tɔn ka ɖó ɖò 1935? Ðagbe tɛ é ka wà nú ye?

• Nú a ko ɖisa yì nǔsɛxwetɛn enɛ alǒ a ko ɖisa yì kpɔ́n fɔwatɛ́xi ɖé ɖò Alaxɔ e ɖò tò towe mɛ é ɖé kpɔ́n ɔ, etɛ a ka mɔ bɔ é hɛn nǔɖiɖi towe lidǒ b’ɛ xlɛ́ ɖɔ Jehovah ɖò ali xlɛ́ togun tɔn wɛ bo lɛ́ ɖò alɔ cyɔn jǐ tɔn wɛ?