NǓKPƆ́NNÚMƐ 11

Akpakpa Sɔ́ Mɛ

Hlɔmanu lɛ 12:11

SIN SƐ̀ XWE NA: Ðɔ xó kpo akpakpa sɔ́ mɛ kpo dó dó wǔyá lanmɛ nú tóɖówetɔ́ lɛ.

Sɔ́ ayi towe d’emɛ. Hwenu e a ɖò nǔ sɔ́ nú nǔxwlémɛ towe wɛ é ɔ, lin tamɛ kpɔ́n dó lee wɛn towe ɖò taji sɔ́ é jí ganji. Nǔ azɔ̌ towe ni má dó we ganji, bonu a na dó sixu ɖɔ xó sín ayi mɛ.
Lin tamɛ dó tóɖówetɔ́ lɛ jí. Lin tamɛ dó lè ɖěɖee nǔ e na xà wɛ a ɖè é alǒ nǔ e na kplɔ́n mɛ wɛ a ɖè é na hɛn wá nú mɛ ɖevo lɛ é jí. Lin tamɛ dó ali ɖěɖee nu a na xwlé nǔ ɔ tóɖówetɔ́ lɛ ɖè b’ɛ na xɔ akwɛ nú ye hugǎn é jí.
Blǒ bonu nǔxwlémɛ towe ni ɖò gbɛ̀. Ðɔ xó kpo akpakpa sɔ́ mɛ kpo. Zǎn alɔ, wǔtu, afɔ, kpo nukúnmɛ sín xlɛ̌ lɛ kpo dó ɖè lee nǔ cí nú we nǔgbo nǔgbo é xlɛ́.

Ðǒ ayi te bo ma nɔ bló nǔ ɖokpo ɔ lɛ hwebǐnu dó fɛ́ tóɖówetɔ́ lɛ sín ayi ó. Tɛ́n kpɔ́n bonu nǔ e a na bló lɛ é ni jɛ gan. Ðɔ xó kpo akpakpa sɔ́ mɛ kpo, taji ɔ, hwenu e a ɖò nǔ taji lɛ kplɔ́n mɛ wɛ é kpo hwenu e a ɖò wusyɛn dó lanmɛ nú tóɖówetɔ́ lɛ wɛ bonu ye na wà nǔ é kpo. Ma ɖò xó ɖɔ kpo akpakpa sɔ́ mɛ kpo wɛ gbɛmɛ kpowun ɖò nǔxwlémɛ towe bǐ hwenu, kaka bonu agbɔ̌n wá kpé tóɖówetɔ́ lɛ ó.