Nɔ nyɔ́ xomɛ

Nǔ e Jezu wa é

VIDEO: Jezu hun nukún nú nya nukúntɔ́nnɔ ɖé

1. Kpɔ́n VIDEO ɔ, alǒ xa Jaan 9:1-7. Énɛ́ gúdo hǔn, lin tamɛ dó nǔkanbyɔ́ élɔ́ lɛ́ jí:

1. Wɛn ɖagbe wɛ Jezu jlá nya nukúntɔ́nnɔ ɔ jɛ nukɔn a, alǒ é to hun nukún n’i hwɛ̌?—Kpɔ́n Jaan 9:35-38.

2. Étɛ́wú wlɛnwín e Jezu zán é ka sixú ko zɔ́n hú gǎn bɔ nya ɔ ɖótó wɛn ɖagbe ɔ?

Étɛ́ kpɔ́ndéwú Jezu tɔn ka sixú kplɔ́n mǐ?

2. Ényí mɛɖé ɖ’ayi wú ɖɔ nǔ émítɔn nɔ ɖu ayi mɛ nú mǐ ɔ, énɛ́ ná ɖibla zɔ́n hú gǎn bɔ é ná ɖótó wɛn mǐtɔn.

Xwedó kpɔ́ndéwú Jezu tɔn

3. Se wǔvɛ́ xá mɛ ɔ. Tɛ́n kpɔ́n bo dó nukún lěe nǔ cí n’i é mɛ kpɔ́n.

1. Kanbyɔ́ hwiɖée ɖɔ: ‘Étɛ́ ka sixú ko ɖo linkpɔ́n ɖó n’i wɛ? Étɛ́ é ka sixú ko mɔ ɖɔ é ná d’alɔ émí bo lɛ́ dɔn émí?’ Mɔ̌ wiwa ná d’alɔ we bɔ a ná nyɔ́ xomɛ dó wǔ tɔn kpó ayi bǐ kpó.

2. Ðǒtó mɛ ɔ dó xlɛ́ ɖɔ nǔ e nyí linkpɔ́n n’i lɛ́ é ɖu ayi mɛ nú we. Ényí é ɖɔ lěe nǔ cí n’i dó nǔɖé wú é, alǒ kɛ nu dó tagba e ɖí xwi xá wɛ é ɖe é ɖé wú hǔn, ma wɔn ya ná bo sɔ́ xó ɖěvo d’é mɛ ó.

4. Ðɔ xó kpó xomɛnyínyɔ́ kpó, kpódó sísí kpán. Nú a nɔ se wǔvɛ́ xá mɛ ɔ, bo jló nǔgbó nǔgbó bá d’alɔ ɛ ɔ, é ná tɔ́n ɖo lěe a nɔ ɖɔ xó gbɔn é mɛ. Xwe sɔ bo cyán xó e a ná ɖɔ lɛ́ é, bo lɛ́ kpɔ́n kɔnugbe e a ná zán é, bo nyi alɔ nú xó e sixú dó xomɛsin nú mɛ ɔ lɛ́ é ɖiɖɔ.

5. Nɔ d’alɔ mɛ. D’alɔ mɛ ɔ ɖo ali tawun tawun ɖé lɛ́ nu, hwenu e mɔ̌ wiwa ná jɛ gan dó lɛ́ é. Xomɛnyínyɔ́nú lɛ́ wiwa sixú hun xóɖɔɖókpɔ́ sín ali.