NǓKANBYƆ́ 10
Akpá tɛ́ Biblu ka dó dó sɔgúdo wú?
“[Ayǐkúngban] ɔ ná nyí hwɛjijɔnɔ lɛ́ tɔn, bɔ yě ná nɔ [jí] káká sɔ́yi.”
Ðɛhan 37:29
“Ayǐkúngban ɔ ɖo ayǐ káká sɔ́yi.”
Nǔnywɛ́tɔ́xó 1:4, nwt
“[Jexóva] ná sú kú sín kún dó káká sɔ́yi; Aklúnɔ Mavɔmavɔ ná súnsún ɖasin sín nukúnmɛ nú mɛ bǐ.”
“Énɛ́ ɔ, nukúntíntɔ́nnɔ lɛ́ ná mɔ nǔ, tókúnɔ lɛ́ ná se nǔ. Sékúnɔ lɛ́ ná lɔ́n yi jǐ tɛ́ ɖɔhun; ɖɛ̌kúnánɔ lɛ́ ná ɖɔ xó dó ɖe awǎjijɛ yětɔn xlɛ́. Sin ná tɔ́n ɖo gbětótló mɛ; tɔ ná sa ɖo ayǐkúngban xúxú jí.”
“É ná súnsún ɖasin bǐ sín nukún yětɔn mɛ, kú sɔ́ ná tíin ǎ; mɔ̌ jɛ́n aluwɛ alǒ alěníná alǒ wǔvɛ́ ma sɔ́ ná tíin ǎ é nɛ́. Nǔ xóxó lɛ́ ko bú.”
“Yě ná sá xwé bo nɔ ɛ mɛ. Yě ná tun vǐwun bo ná ɖu sínsɛ́n tɔn. Yě sɔ́ ná sá xwé ɖě, bɔ mɛ ɖěvo ná nɔ mɛ ǎ; yě ka sɔ́ ná tun vǐwun ɖě, bɔ mɛ ɖěvo ná wá ɖu sínsɛ́n tɔn ǎ. Ji e atín nɔ dɔ́ é wɛ togun ce ná dɔ́. Mɛ e un sɔ́ lɛ́ ɔ, nǔ e yě sɔ́ alɔ yětɔn dó bló lɛ́ ɔ, yě ná ɖu le tɔn.”